UKWANDA PAKUNENEZANNYA
UMUTU 4
Ukwiyisya
Ifundo: “Mubanje bakwiyisya, sona mubapimaye [mubennyanje] abamwinyu pakuba bapamwanya ukubachila amwe.”—Filipi 2.3.
Vyo u Pabuli Akabomba
1. Enelezya IVIDIYO, Pamo belenga Imbombo 26.2, 3. Pabumalilo mwamule amalalusyo agha:
-
Nkimba u Pabuli akalanjizya buli-buli ukwiyisya po akanenezannyanga nu Mwene u Agilipa?
-
Nkimba u Pabuli akabavwa buli-buli abantu ukuti binong’onelaghe ivya Yehova na Masimbo mumalo mwakuti binong’onelaghe ivyache?—Ennya Imbombo 26.22.
Nkimba Tukumanyilako Ichoni kwa Pabuli?
2. Abantu bangivwisya akiza ubutenga bwitu bo tukubalumbilila pala tukunena umwakwiyisya sona umwamuchizi.
Mumweghelele u Pabuli
3. Munenaghe umwamuchizi. Manyi mwisendaghe ukuti mumenye ivyinji nkani sona uwamwinyu atakumanya nachimo.
4. Mulangizyanje ukuti vyo mukumanyisya vikufuma mu Bayibolo. Amazyu gha Chala ghangabavwa abantu ukusinta akinong’onele kabo sona na mo bakuyivwila. Pala tukughabombezya tukubavwa abantu ukuti basubilaghe vyo vili mu Bayibolo.
5. Mube mwe bafisalyoyo. Manyi mukakamilaghe ukuti umwe mwe mukunena nkani ubwanaloli. Tutakulonda ukuti tulimbanaghe nabo. Pala mukwikola umoyo nu kufumapo bulo vingalangizya ukuti mwe bakwiyisya. (Mbupi. 17.14; Titi 3.2) Nanti tukunena umwamuchizi vingize vipangisye ukuti umuntu ize itikizye ukuti tunenezannye nawe akabalilo akanji.
