Vyo u Yesu Akabomba

Nkimba Tukumanyilako Ichoni kwa Yesu?

2. Tukulondiwa ukuba swe bafisalyoyo ichifukwa chakuti abantu bamo vikusenda akabalilo ukuti bivwisye amazyu amiza gho tukubalumbilila.

 Mumweghelele u Yesu

3. Muyezye izila izyakupambana-pambana. Pala umuntu atakwitikizya ukuti mumanyilaghe nawe Ibayibolo, mutakamupatikizyanje. Pala akabalilo kendapo, mungabombezya amavidiyo ukuti mumwavwe ukumanya vyo vikubombiwa pakumanyila Ibayibolo sona mo angapindulila.

4. Manyi muyanisyanje abantu. Abantu bapambanite. Pala uwa mu mbumba yinyu pamo umuntu yo tukulonda ukunyokelako, atakulonda ukumanyila Ibayibolo pamo akukana ivimanyisyo vya mu Bayibolo, mungilalusya ukuti; Nkimba choni cho chikupangisya? Nkimba pali ifundo yimo yo akuyisubila iya muchipanga chache cho achighanite hee? Nkimba abakamu bache na bapalamani bache bakumususya? Mumupe akabalilo ukuti inong’onelepo pa vyo mwanena sona vyo Ibayibolo likunena.

5. Mubiputilaghe abantu bo bali ni chinyonywa ichakumanyila Ibayibolo. Mumulabe u Yehova ukuti abavwe ukuti mumwennyanje umuntu uyu ukuti angasinta sona abavwe ukuti musalaghe ivintu umwamahala. Mumulabe u Yehova ukuti abavwe ukumanya umuntu yo ate ni chinyonywa sona ukuti muleke ukumwendela.—1 Koli. 9.26.