Amalalusyo Aghakufuma kwa bo Bakubelenga
Ka amazyu aghakuti, ‘Akwiza pakubafighilila,’ gho ghakwaghiwa pa Salimo 12.7, ghakwimila ‘abakutamiwa’ (vesi 5) pamo ‘amazyu gha Yehova’ (Vesi 6)?
Inkani yosi iyi, yikulangizya ukuti amavesi agha ghakwimila abantu.
Pa Salimo 12.1-4 tukubelenga ukuti ‘abantu abalusubilo bamala pakasi pa bantu.’ Pakabalilo aka, inong’onela Salimo 12.5-7, po pafuma ilalusyo.
“‘Ichifukwa chakuti abantu bo bakutamiwa bakukanyiliwa,
Ichifukwa chakuti abantu bo bapina bakutampa,
U Yehova akunena ukuti, inkwiza pakunyamuka nu kubombapo zimo.
‘Inkwiza pakubapoka ku bantu bo bakubayivya.’
Amazyu gha Yehova mazelu;
Ghali ngati we siliva uwakwengeka akiza muchibwina ichapasi, uwakwengiwa amabulendo 7.
Mukwiza pakubafighilila, Mwe Yehova;
Inti mubafighilile aliwesi paweka ku nkulilo iyi kwa bwila na bwila.’
Ivesi 5, likunena ivintu vyo u Chala akwiza pakubabombela abantu bo bakutamiwa. Akwiza pakubapoka.
Ivesi 6, likongelezyapo ukuti ‘amazyu gha Yehova mazelu,’ ‘ghali ngati we siliva uwakwengeka akiza.’ Abakilisitu bosi abakwiyipa nu moyo ghosi, bakukolelana ni fundo iyi.—Sali. 18.30; 119.140.
Pakabalilo aka, inong’onela ivesi ilyakukonkapo, Salimo 12.7 lyo likuti: ‘Mukwiza pakubafighilila, Mwe Yehova; inti mubafighilile aliwesi paweka ku nkulilo iyi kwa bwila na bwila.’ Ka amazyu aghakuti ‘pakubafighilila’ ghakwimila abawenu?
Ichifukwa chakuti ivesi 7 likukonkana ni fundo iyakuti ‘amazyu gha Yehova mazelu,’ bamo bangafika pa fundo iyakuti amazyu aghakuti ‘akufighilila’ ghakwimila mazyu gha Chala. Sona tukumanya ukuti u Chala, alifighilila Ibayibolo ku vintu ivyinji vyo abakususya bakafikapo umoyo pakubomba ukuti balikanizye nu kulinangannya.—Yesa. 40.8; 1 Pita. 1.25.
Loli ukuyana na vyo anenite mu vesi 5, vikulangizya ukuti akubafighilila sona abantu. U Yehova akubavwa sona inti abukilile ukubavwa ‘abantu bo bakutamiwa’ na bosi bo ‘bakukanyiliwa.’—Jobu 36.15; Sali. 6.4; 31.1, 2; 54.7; 145.20.
Nkimba amazyu aghakuti ‘bakukanyilliwa’ gho ghali mu vesi 7 ghakwimila abawenu?
Inkani yosi yo yili mwi Salimo ili, yikulangizya ukuti amazyu aghakuti ‘pakubafighilila,’ ghakwimila abantu.
Pa Salimo 12.1, pakunena ivya ‘bantu abasubaliwa’ ukuti bakuzimbuliwa na bantu ababibi. Pisinda pache, tukwagha amazyu gho ghakulangizya ukuti u Yehova akwiza pakubalonga abantu bo batakubombezya akiza ululimi lwabo. Isalimo ili, likutusimikizya ukuti tungasubila ukuti u Chala inti ize abombepo zimo mumalo mwa bantu bache ichifukwa chakuti amazyu ghache mazelu.
Cho chifukwa ivesi 7 likunena ukuti, u Yehova akwiza ‘pakubafighilila’ bosi bo bakutamiwa na bantu ababibi.
Amazyu aghakuti ‘pakubafighilila’ gho bakabombezya imbombo mu vesi ili, ghakwaghiwa mu Masimbo agha Chihebeli. Amazyu agha Chigiliki gho ghali Septuagint gho babombezizye ukuti ‘uswe’ ghakwaghiwa kabili mu vesi 7, gho ghakulangizya abantu abasubaliwa bo bakutamiwa nu kukanyiliwa. Ivesi 7 kubumalilo likunena ukuti ‘aliwesi paweka’ yo musubaliwa, akwiza pakufighililiwa ‘ku nkulilo iyi’ ku bantu ababibi bo bakulimbikisya ukubomba ivintu ivibibi. (Sali. 12.7, 8) Amazyu gho bakaghang’anamulila mu Masimbo agha Chihebeli mu chinenelo icha Chialamu, ivesi 7 likuti: ‘Uwe, WE MWENE, ukwiza pakufighilila abagholosu, ukwiza pakubafighilila ku nkulila imbibi iyi kwa bwila na bwila.’ Ifundo iyi yikongelezya ubwakaboni ubwakuti vyo vili pa Salimo 12.7 vitakwimila amazyu gha Chala.
Ukuyana ni fundo iyi, ivesi ili likubapa ‘abantu abasubaliwa’ ulusubilo ulwakuti u Chala akwiza pakubombapo zimo.
