Pakabalilo ko tukubelenga Ibayibolo, tungabombezya amabuku aghakupambana-pambana ukuti twivwisye akiza vyo tukubelenga. Loli tutakulonda ukuti tumanyile umwakuti tumanye bulo ivyinji ivyakukwafannya ni Bayibolo. Mumalo mwache tukulonda ukuti twaghe ifundo izyakukwafannya ni nkalo izya pamwanya izya Yehova zyo zingatwavwa ukuti tumughane nkani. Ukuti tubombe bunubu, pakabalilo ko tukumanyila tubaghiye ukwilalusya ukuti: ‘Nkimba inkani iya mu Bayibolo iyi yikumanyisya ichoni ivyakukwafannya nu Yehova?’

Umwakufwanikizya, mungayezya ukwagha mo u Yehova akulangizizya ulughano, amahala, ubwanaloli na maka. Loli u Yehova ali ni nkalo izyamwabo izyinji zyo tungamanyila. Ka mungazyagha kwiyi inkani zyo zikulongosola inkalo zyache?

Ennya mu Buku Lakupenjera Nkhani la Ŵakaboni ŵa Yehova pasi pamutu uwakuti “Yehova Chiuta” sona pakamutu akanandi akakuti “Makhaliro gha Yehova.” Pisinda pache, mwennye inkalo zyo zikukolelana ni nkani yo mwabwelengagha mu Bayibolo.