Epulelo 29–Meyi 5
SALIMO 34–35
Ulwimbo 10 nu Lwiputo | Amazyu Aghabwandilo (1 min.)
1. “Mumupalizyanje u Yehova Akabalilo Kosi”
(10 min.)
U Devedi akamupalizyanga u Yehova napo akakomanagha ni ngelo (Sali. 34.1; w07-CN 3/1 22 ¶11)
U Devedi atakituvyanga mwene, loli akituvyanga mwa Yehova (Sali. 34.2-4; w07-CN 3/1 22 ¶13)
Amapalo gho u Devedi akamupalagha u Yehova ghakabaghomya abamanyani bache (Sali. 34.5; w07-CN 3/1 23 ¶15)
Bo u Devedi alekana nu Abimeleki, abanavuli 400 bo batakakolelanagha nu bulaghili bwa Mwene u Sauli bakamukonka u Devedi ku nkolongo. (1 Samu. 22.1, 2) U Davedi akwenela kuti akinong’onelagha izya banavuli aba po akasimbagha isalimo ili.—Isimbo ilya Sali. 34.
MWILALUSYE UKUTI, ‘Nkimba ningiza indangizye buli-buli ukuti nkumupala u Yehova pala nkunena na yumo pa nkomano izyakukonkapo izya pa chipanga?’
2. Vyo Twamanyila
(10 min.)
-
Sali. 35.19—Nkimba u Devedi akang’anamula choni po akamulaba u Yehova ukuti bo bamubengite ‘batakasinizannye amaso ghabo’? (w06-TB 6/1 31)
-
Nkimba fundo buli zyo munganena zyo mwazyagha pa kubelenga Ibayibolo usabata uyu?
3. Ukubelenga Ibayibolo
(4 min.) Sali. 34.1-22 (th ichimanyilo 5)
4. Ukwanda Pakunenezannya
(2 min.) UBULUMBILILI UWA MWAMWABI. Ukunenezannya kwamala po uchili utamulumbiliye. (lmd umutu 1 ifundo 4)
5. Ukunyokelako
(4 min.) UBULUMBILILI UWA MWAMWABI. (lmd umutu 2 ifundo 4)
6. Ukulongosola Vyo Mukusubila
(5 min.) Ichifwanikizyo. Ijwfq-TB 59—Umutu: Nkimba Abakaboni ba Yehova Bakumanya Buli-Buli Ukuti Iholide iyi Yakwitikiziwa Pamo Hagha? (th ichimanyilo 17)
Ulwimbo 59
7. Izila Zitatu zyo Tukumupalila u Yehova pa Nkomano
(15 min.) Ukunenezannya.
Inkomano izya pachipanga zikutupa umwabi uwiza uwakumupala u Yehova. Za tunenezannye izila zitatu.
Ukunenezannya: Munenaghe ivya bwiza bwa Yehova pala muli pakunenezannya na bamwinyu. (Sali. 145.1, 7) Ka mukivwapo pamo ukubelenga ifundo yimo yo mukapindula nayo? Nkimba mukomanitepo ni nkani yimo iyakuhobosya mu bulumbilili? Ka mukalimbikisiwa ukwendela mu vyo yumo akunena pamo ukubomba? Ka mwenizyepo vimo mu chipeliwa vyo vikubahobosya? Vyosi ivi vyabupi ivyakufuma kwa Yehova. (Yako. 1.17) Mufikaghe mwalubilo pa nkomano ukuti mubanje na kabalilo akakunenezannya na bamwinyu.
Ukwamulapo: Muyezesyanje ukuti mwamulaghepo lyoka pa lukomano lulilosi. (Sali. 26.12) Mungamula uansala uwilalusyo ilya pa ndime, ifundo iyakongelezyapo, ukulongosola isimbo, ichituzi pamo mo tungakonkela ifundo izyo. Mubaghiye ukwisengannya ifundo izyinji, ichifukwa ichakuti pala mungisengannya ifundo yoka mungapotwa ichakwamula pala abamwinyu bamula ifundo yo mwisenganizye. Abakamu na bayemba abinji ‘bangapeleka isembe izyakumupala u Chala’ waghe tukwamula mu masekondi 30 pamo ukwika pasi.—Hebe. 13.15.
Inyimbo: Mwimbaghe inyimbo izya Bumwene umwasansa. (Sali. 147.1) Lumo batangabasala ukuti mwamulepo pa lukomano, nkani-nkani mu chipanga cho abantu binji, loli akabalilo kosi mungimbila poka inyimbo. Napo mukwiyivya ukuti mute na mazyu aghiza, loli pala mukubomba chilichosi ukuti mwimbeghe inyimbo, mukumuhobosya u Yehova. (2 Koli. 8.12) Mungayezyelela ukwimba inyimbo po mukwisengannya kunyumba.
Enelezya IVIDIYO Imbili Yitu—Ichabupi Icha Lwimbo, Ichigaba 1. Mulalusye ilalusyo ili:
Ukufuma kale ukufika mu kabalilo kitu aka, ka tukulangizya buli-buli ukuti ukwimba inyimbo izyakumupala u Yehova kwakulondiwa?
8. Ukumanyila Ibayibolo Ukwa pa Chipanga
(30 min.) bt umutu 9 ¶1-7, Amazyu aghabwandilo mu chigaba 3 ni bokosi papeji 70
