Okutobala 7-13
SALIMO 92–95
Ulwimbo 84 nu Lwiputo | Amazyu Aghabwandilo (1 min.)
1. Ukumubombela u Yehova Chocho Chintu Chiza Nkani pa Bumi!
(10 min.)
U Yehova akulondiwa ukuti tumpalaghe (Sali. 92.1, 4; w18.04-TB 26 ¶5)
Akubavwa abantu bache ukuti basalaghe akiza ivintu nu kuba bakuhoboka (Sali. 92.5; w18.11-TB 20 ¶8)
Akubennya ababombi bache bo bakumubombela ukuti bapamwanya napo bangaba bagosi (Sali. 92.12-15; w20.01-TB 19 ¶18)
MWILALUSYE UKUTI, ‘Choni cho chikundesya ukuti nipeleke ubumi bwane kwa Yehova nu koziwa?’
2. Vyo Twamanyila
(10 min.)
-
Sali. 92.5—Ka amazyu agha ghakulangizya buli-buli amahala gha Yehova? (cl-TB 176 ¶18)
-
Nkimba fundo buli zyo munganena zyo mwazyagha pa kubelenga Ibayibolo usabata uyu?
3. Ukubelenga Ibayibolo
(4 min.) Sali. 94.1-23 (th ichimanyilo 5)
4. Ukwanda Pakunenezannya
(4 min.) UBULUMBILILI UWA MWAMWABI. Mulondelezye umupata uwakuti mumubuzye umuntu yo mukunenezannya nawe imbombo yo mukubomba pakuba bamanyisi ba Bayibolo. (lmd umutu 5 ifundo 3)
5. Ukunyokelako
(3 min.) UBULUMBILILI UWA MWAMWABI. Anda ukumanyila Ibayibolo nu muntu yo pabwandilo akakana ukuti mumanyilaghe nawe (lmd umutu 8 ifundo 4)
6. Ukumanyisya Abantu
(5 min.) Nenezannya na yo mukumanyila nawe Ibayibolo yo atakubuka pantazi. (lmd umutu 12 ifundo 5)
Ulwimbo 5
7. Nanti Abachinyamata Bakutamiwa Inyinong’ono
(15 min.) Ukunenezannya.
Bo bakumubombela u Yehova bope bakutamiwa inyinong’ono. Umwakufwanikizya, Akabalilo akinji u Devedi akatamiwanga inyinong’ono pa bumi bwache, sona abakamu bitu abinji amasiku ghano bope bakutamiwa inyinong’ono. (Sali. 13.2; 139.23) Ichachitima chakuti na bana bulo bope bakutamiwa inyinong’ono. Akabalilo kamo, ukutamiwa inyinong’ono kungapangisya ukuti umuntu apotwe ukubomba imbombo izyisiku ni siku, ngati ukubuka ku sukulu pamo ukubuka ku nkomano. Vingapangisya sona ukuti umuntu afyenyiwe nkani nu kwanda ukuba ni nyinong’ono izyakulonda ukwighogha.
Bachinyamata, nanti mwanda ukutamiwa inyinong’ono, mungachita akiza ukubabuzya abapapi binyu pamo umuntu uwakukula mwabuzimu. Mukumbukaghe sona ukwiputa kwa Yehova ukuti abavwe. (Filipi 4.6) Akwiza pakubavwa. (Sali. 94.17-19; Yesa. 41.10) Pa nkani iyi ennya ichifwanikizyo cha Steing.
Enelezya IVIDIYO U Yehova Akanavwa. Nu kulalusya bo bakuteghelezya:
• Nkimba livesi buli ilya mu Bayibolo lyo likamwavwa u Steing, sona likamwavwa buli-buli?
• Ka u Yehova akamwavwa buli-buli?
Bapapi, mungabavwa abana binyu ukuti bamalane ni ntamyo iyakutamiwa inyinong’ono nanti mukubateghelezya akiza, mukubalangizya ulughano sona ukubavwa ukumanya ukuti u Yehova abaghanite. (Titi 2.4; Yako. 1.19) Mumusubile u Yehova ukuti abasangalusye nu kubapa amaka gho mukulondiwa ukuti mubavwe abana binyu.
Tutangamanya nanti yumo akutamiwa inyinong’ono mu chipanga pamo ukwivwisya mo akwiyivwila. Loli tungavwapo nanti tukupangisya ukuti aliwesi mu chipanga iyivwanje ukuti aghaniwe sona wakulondiwa.—Mbupi. 12.25; Hebe. 10.24.
8. Ukumanyila Ibayibolo Ukwa pa Chipanga
(30 min.) bt-TB umutu 16 ¶6-9, ibokosi papeji 132
