Ifyasuko ku Fyakwipusha fya mu Baibolo
Kani tungeshiba bucine pali baLesa?
Nindo baLesa bafwaila fwebo ukwishiba bucine? Pendeni Yoane 17:3
BaLesa balilibuulishishe bwino ku bantunshi. Baalipyungishe umupashi uuswetelele, neli amakosa abo, ukubuulishisha ukulanguluka kwabo ku bantu abalukulemba Baibolo. (2 Petilo 1:20, 21) Popele, tungeshiba bucine pali baLesa kani tulukupenda Baibolo.—Pendeni Yoane 17:17; 2 Timote 3:16.
Muli Baibolo, baLesa balifisulwile ifintu ifyakuti ubwingi pali bo. Balibuulishishe umulandu balengeele abantushi, ifi bakacitila abantunshi kuntangiile, na fyefyo bafwaya fwebo ukulukwikala. (Ifyacitilwe 17:24-27) BaYawe Lesa balafwaya fwebo ukwishiba bucine pali bo.—Pendeni 1 Timote 2:3, 4.
Nindo baYawe batemenwe abantu abatemenwe bucine?
BaYawe ni baLesa ba bucine. Nakabili, baalitumine Umwana wabo, baYesu, ukwisa mu kusambisha bucine ku bantunshi. Popele, bonse abatemenwe bucine balitemenwe baYesu. (Yoane 18:37) BaLesa balafwaya abantu bakube’fyo ukulukupempela kuli bo.—Pendeni Yoane 4:23, 24.
Satana Umusenseshi alilengeshe abantu abakuti ubwingi ukubulo’kwishiba baLesa. Alicitile’fyo ukupitila mu kusambisha ifya bufi pali baLesa. (2 AbaKolinto 4:3, 4) Abantu abapatile bucine balitemenwe ubu ubusambishi bwa bufi. (AbaLoma 1:25) Nangabe’fyo, abantu amamilyoni aakuti ubwingi balukusambilila bucine pali baLesa ukupitila mu kusambilila Baibolo.—Pendeni Ifyacitilwe 17:11.
Cipale Mungapendako Nafifi:
PALI FWEBO
Nindo Twelelwe Ukusambilila Baibolo?
Baibolo ilukofwako abantu abengi mu calo conse ukusangane’fyakusuko ku fyakwipushe’fibakateshe. Kani mungatemwa ukumofweniko?
