UMULANDU CICINDAMIINE: Pa kuba icibusa ca baYawe, abasambiile ba Baibolo balyelelwe ukulituula kuli baYawe ne kubatishiwa. (1 Pet. 3:21) Ukulamwa ku fingonaala bucibusa bwabo na baLesa, kulesako kuli babo abapitilisha ukwikala ukwelelwa ne kulituula kwabo. (Amasa. 91:1, 2) AbaKlistu balalituula kuli baYawe—talipo ni ku bantu, ku mulimo, neli ku kwanshika. Namulifyefyo, abasambiile balyelelwe ukutemwa makosa baYawe ne kubacindika.—Loma 14:7, 8.

IFYAKUCITA:

• Ili mulukusambilila, ambaaleni ifi ifyebo filukufisulula pali baYawe. Koselesheni umusambiile ukulukupenda Baibolo inshiku shonse ne ‘kulukutembela ukwakubula ukuleka.’—1 Tim. 5:17; Jako. 4:8

• Koselesheni umusambiile ukulukulanguluka makosa pa kulituula ne kubatishiwa. Kabili, mofweniko ukucita ifi angakonsha pali bukumo, ifili koti kwasukapo pa kubungana neli ukutulisha kuli babo ekala nabo apepi na babo apyunga nabo. Anukeni ati baYawe tabapangilishapo uuli onse ukubapyungila. Ukulituula, kusalululapo kwa muntu umwine.—Ndute. 30:19, 20

• Koselesheni umusambiile ukwalukako umulukupengelwa pakweba ati asangalashe baYawe ne kufikapo ukubatishiwa. (Ifisi. 27:11) Pakuti cingakatashako ukuleka imibelo imo imo, cipale umusambiile angapengela ukupitilisha ukumofwako pakweba ati apoose ubuntu bwa kale ne kufwala ubwa bukumo. (Efesa 4:22-24) Ambaaleniko nakwe amalyashi amu Katambo ka Wakulama aalabila ati “Baibolo Ilaalula Abantu”

• Mubuuleniko ukusangalala musangile mu kupyungila baYawe.—Yisa. 48:17, 18