Ukutatika mu September, mu Akabuuku ka Kusambililamo aka Amekalilo Abuklistu ne Kutulisha Kwesu mukalukuba ne fyebo ifi tungalabila pakutulisha ifikalukuba pa mutwi wa bukumo uwa kweba ati“Sambisheni Bucine.” Ici tukalukufwaisha kubuulishisha abantu bucine bwa mu Baibolo, ukupyungisha icakwipusha eli ne lembo.

Kani twabona ati umuntu alukufwaisha ukusambilila, tungamushiila ibuuku neli ukumutambisha vidyo ya pa jw.org pakweba ati tukambaale nakwe nakabili. Tulyelelwe ukubwelelako bwangu kuli babo twatulisheko pakweba ati tupitilishe ukwambaala na bo apa twashiliile. Ici iciputusha ca bukumo ne malyashi abasambiile fikalukufuma pa kubuulishisha ukuli pa mpelo ya fyapitala fya mwi buuku lya Kani Findo Baibolo Itusambisha? Muli kuku ukubuulishisha, muli ifyakwipusha na fimbi ne malembo ifi tungapyungisha pa kubwelela kuli babo twatulisheko ne kutangilila amasambililo ukupyungisha lukoso Baibolo.

Kuli lukoso inshila imo iile ku mweo. (Mat. 7:13, 14) Pakuti tulatulisha ku bantu abafumine ukupusenepusene kabili abapempela kumbi, tulyelelwe ukubasambisha bucine bwa mu Baibolo ubungabakuma pa lwabo. (1 Tim. 2:4) Ili tulukwambaala ne bantu pa malyashi amu Baibolo aalekenelekene, ne kuwamyako ukusambisha kwesu pa kuba umuntu “ulunjika bwino ishiwi lya bucine,” tukalukuli abasangalele makosa kabili tukalukupyunga bwino umulimo wa kusambisha bambi bucine.—2 Tim. 2:15.