Mu Baibolo, ishiwi ilya ciGiliki ilyalula impindi shimbi ati “Icalici” lilalosha ku kwi bumba lya bantu abalukupempela, talipo cikuulwa ici bakumaninamo ili balukupempela.

Boneni icakubwenako: Ili intangishi Paulu alembeele abaKlistu mu Loma, alitumine imitende kuli Akwila na Pilisicila kabili alilundilepo ne kweba ati: “Ukasekele ne icalici [ikelesha] ilili mu ŋanda yabo.” (AbaLoma 16:5, Contemporary English Version) Paulu talukwalulapo ati bakasekele umutende wakwe ku cakwibaka balukukumaninamo. Popele, alukutuma imitende yakwe ku bantu—ikelesha ilyalukukumanina muli yeyo iŋanda. *

Popele pa mupunda wakwita umupunda tupempelelapo ati icalici, fwebo tulawita ati “Umulenda wa Bufumu.”

Ili ishiwi elyelelwe ni pakuti pa mulandu iingi iili panshi apa:

• Ici icakwibaka mulenda, neli apa kubunganina.

• Tulakumana ku kupempela baYawe, baLesa abalabilwepo mu Baibolo, ku kucitila bumboni, ne kulabila pali bo.—Amasamo 83:18; Yisaya 43:12.

• Tulakumana nakabili ku kusambilila pa Bufumu mwa baLesa, bubo baYesu balabilepo impindi ishingi.—Matayo 6:9, 10; 24:14; Luku 4:43.

Muli abakakulukile ukwisa mukufakasha pa Mulenda wa Bufumu uubelele apepi ne kumwikalila ne kulibwena mwebene ifi Bamboni sha baYawe babungana.