Inya, Bamboni sha BaYawe balasumina ukuposha kwa kupyungisha imiyanda. Nangaba ati tulesha ne makosa esu ukulama bwino imibili yesu, impindi shimbi tulapengela ‘abalaye.’ (Luku 5:31) Muli bucine, koti nifyefyo cali kuli Luku uwali pa baKlistu bakutanga, Bamboni sha baYawe bambi balaye ba mufipatela.—AbaKolosai 4:14.

Kumbi ukuposha ne miyanda kulapusana na fyefyo Baibolo ilabila, kabili tulakaana ukuposha kwakube’fyo. Ku cakubwenako, tatusuminapo ukubikwamo imilopa ni pakuti Baibolo ilakanya ukubikwamo imilopa. (Ifyacitilwe 15:20) Koti nifyefyo, Baibolo ilakanya ne ukuposha uko ukusankenemo ne fya bufwiti.—AbaGalatya 5:19-21.

Nangabe’fyo, ukuposha ukwingi takulwishanyapo na fyefyo Baibolo ilabila. Namulifyefyo, umulwashi umwine eukwete amakosa akusalululapo. Mboni umbi angasalululapo ukupyungisha umuti eli umbi naye angasalululapo ukukaana umuti untu umo.—AbaGalatya 6:5.