Kani Bamboni sha BaYawe Balakanya Fimo Ifya Kulisangalashishamo?
Koku. Ukwanshika kwesu takubuulapo abantu amavidyo belelwe ukutamba, amabuuku, neli inyimbo abakwabesu tabelelwepo ukukutikako. Mba nindo?
Baibolo ilakoselesha umuntu umo umo ukusambisha “amano” akwe aakulekanya iclungeme ne cibipile.—AbaEbeya 5:14.
Mu Malembo muli ifingatangilila umuKlistu ili alukusalululapo ifyakucita mu mpindi yakwe umwine. * Mu myeo yesu, ‘ici tufwaisha kulukwesha ukubona ifingabasangalasha ba Shikulu.’
Baibolo ilasambisha ati imitwi ya fisoolo ilikweteko amakosa, penka bangasalululapo ukukaanya icisoolo cabo ukubulo’kucitako fimo. (1 AbaKolinto 11:3; AbaEfesa 6:1-4) Kani talipo ni mu cisoolo, tapaapo uukwete amakosa akukaanya amavidyo, inyimbo, neli abalisha nyimbo ati pakuti aba bapempela nabo tabafitemenwepo.
^ par. 4 Ku cakubwenako, Baibolo taikoseleshapo ifili fyonse ifiikatene ne mipashi iibipile, ubucencemeshi, neli ulukansa.