Ubufi: Umulandu Bamboni sha BaYawe tabasefeshako Isita ni pakuti talipo baKlistu.

Icine: Tulicetekele muli baYesu ati ebakupulusha besu, kabili tulesha apapelele amakosa esu ‘ukulonda mu makasa abo.’—1 Petilo 2:21; Luku 2:11.

Ubufi: Tamusuminepo ati baYesu balibuukile ukufuma pa bafwile.

Icine: Tulisumine mu kubuuka kwa baYesu, kabili tulishi ati epeyamine ukucetekela kwa buKlistu kabili tulalabilapo ku bantu bambi ili tulukutulisha.—1 AbaKolinto 15:3, 4, 12-15.

Ubufi: Tamusakamanapo ne kusakamana ati abana benu tabalukusangalalapo pali Olide ya Isita.

Icine: Tulitemenwe abana besu ukwakuti—tulapyungisha makosa fwebene ukubasambisha ne kubofwako pakweba ati balukuba abasangalele.—Tito 2:4.

• Ukusefya icitenje ca Isita talipo kwa mu Baibolo.

• BaYesu balikomekele ati tulukwanuka imfwa yabo, talipo kubuuka kwabo. Tulaanuka ici Icakwanuka cila mwaka pa kasuba kenka’ko bafwile koti kwelelwa na kalenda balukulonda mu nshiku sha mu Baibolo.—Luku 22:19, 20.

• Tuliishi ati ifyakutantaka fya Isita, ififumine ku fisumino fyakufusha ubufyashi, fililengele Isita ukuba iikanaminwe na baLesa. BaLesa balapengela ati fwebo tulukubapempela ne mweo wesu onse ukubikako na fyefyo tabasuminishepo.—Ifyakufuma 20:5; 1 Imfumu 18:21.

Tulisumine ati fyefyo tusalulwilepo ukubula ukucitako icitenje ca Isita ni fyefyo Baibolo ilabilapo, fyefyo itubuulishisha ukupyungisha ‘amano ne kucenjela’ ukucila lukoso ukulukulondaisha ifyakutantaka fya bantunshi. (Ifisimpi 3:21; Matayo 15:3) Nangaba ati tulambaala ifitusuminemo pali Isita ne bantu bambi kani batwipusha, tulapeela ubuleme neli umucinshi umuntu onse koti kwelelwa na fyefyo asuminemo nafyefyo asalululapo ukucita.—1 Petilo 3:15.