Abo abaali ni Bamboni sha baYawe akale pano abalekele ukutulisha, cipale abalekele ne kusangwa ne baKlistu babyabo, tatubapatapo. Tanje cine, tulaya na mukubofwako ati batatike nakabili ukutemwa ifya baLesa.

Tatutamfyapo bonse ibacita ifyakubifya ifikulu. Kani, umukwabesu uwabatishiwilwe apitilisha ukulupulaisha amafunde amu Baibolo kabili talapiilepo eli angatamfiwa. Baibolo ilalabila apaswetele ati: “Ifumyeni imbifi muli mwebo mwe bene.”—1 AbaKolinto 5:13.

Nga pano umwalalume uutamfiwilwe pano abakashi ne bana bacili Bamboni sha baYawe? Ubwana bwankashi ubwa ku mupashi bulashila, pano ubwa ku munefu bulapitilisha. Icupo na bucibusa akwete ne cisoolo tabushilapo kabili bangalukupyungila pamo ne milimo ya ku munefu.

Abatamfiwilwe bali abakakulukile ukusangwa mu kubungana kwesu. Kani balukufwaya, bangapokelela ne kofwako kwa mu Malembo ukufuma ku bakulu ba mwi kelesha. Icitufwaisha kofwako ulya umuntu ukube Mboni ya baYawe nakabili. Abatamfiwilwe abalekele ukucita ifibipile kabili abalangisha ati balukufwaisha ukulukulonda amafunde amu Baibolo bangabwela mwi kelesha nakabili.