LEKTIOUN 25
Wat fir e Liewen huet Gott fir eis virgesinn?
D’Bibel seet, datt d’Mënschen e „kuerzt Liewe voller Problemer“ hunn (Hiob 14:1). Wollt Gott dat? Wann net, wat huet hien da fir eis virgesinn an trëtt dat jeemools an? D’Äntwerten an der Bibel maache Mutt.
1. Wat wënscht sech Gott fir eis?
Jehova wënscht sech fir eis dat beschtent Liewen. Wéi hien déi éischt Mënschen, Adam an Eva, erschafen huet, huet hien si an e schéint Paradis gesat, de Gaart Eden. „[Dann] segnete Gott sie und sagte zu ihnen: ‚Seid fruchtbar und vermehrt euch, bevölkert die Erde und nehmt sie in Besitz‘“ (1. Mose 1:28). Jehova wollt, datt si Kanner hunn, sech ëm d’Déiere këmmeren an aus der ganzer Äerd e Paradis maachen. D’Mënsche sollten all komplett gesond sinn a fir ëmmer liewen.
Och wann eist Liewen haut ganz anescht ausgesäit, huet sech näischt u Gott sengem Plang geännert (Jesaja 46:10, 11). a Hie wëll nach ëmmer, datt trei Mënschen éiweg liewen, an dat ënner ideale Konditiounen. (Lies Offenbarung 21:3, 4.)
2. Wéi ass en erfëllt Liewen haut scho méiglech?
Jehova huet eis mat dem Besoin erschafen, hien ze kennen an unzebieden – mir brauche Jehova an eisem Liewen. (Lies Matthäus 5:3-6.) Hie wëll, datt mir seng Frënn sinn, op all senge Weeër ginn, hie gär hunn an him mat ganzem Häerzen déngen (5. Mose 10:12; Psalm 25:14). Wa mir dat maachen, kënne mir wierklech glécklech sinn trotz de Problemer, déi mir hunn. Jehova ze dénge gëtt eisem Liewen en echte Sënn.
AN DEN DETAIL GOEN
Jehova huet aus Léift zu eis d’Äerd wonnerschéi gemaach. An d’Bibel weist eis, wat de Sënn vum Liewen ass.
3. Jehova huet eppes Wonnerbares mat eis vir
De VIDEO kucken an dës Fro beschwätzen:
-
Firwat huet Jehova eise wonnerschéine Planéit erschafen?
Prediger 3:11 liesen. Dozou dës Fro:
-
Wat ass Gott säi Wëlle fir eis?
4. Jehova säi Plang huet sech net geännert
Psalm 37:11, 29 a Jesaja 55:11 liesen. Dozou dës Fro:
-
Wouhier wësse mir, datt sech Jehova säi Plang net geännert huet?
En Haus, dat verkomm ass, kann erëm renovéiert ginn. Esou ass et och mat der Äerd: D’Mënschen hunn si ruinéiert, awer Gott mécht si erëm zu engem Paradis fir déi, déi hie gär hunn
5. Jehova ze dénge gëtt eisem Liewen en echte Sënn
De Sënn vum Liewen ze kenne mécht eis glécklech. De VIDEO kucken an dës Fro beschwätzen:
-
Wat hat d’Terumi dovun, de Sënn vum Liewe kennen ze léieren?
Prediger 12:13 liesen. Dozou dës Fro:
-
Jehova huet esou vill fir eis gemaach. Wéi kënne mir him weisen, datt mir dankbar sinn?
WANN EE FREET: „Wat ass de Sënn vum Liewen?“
-
Wat géifs du äntweren?
FAZIT
Jehova wëll, datt mir glécklech sinn an ënner ideale Konditioune fir ëmmer op der Äerd liewen. Wa mir him mat ganzem Häerzen déngen, huet eist Liewen haut schonn en echte Sënn.
Réckbléck
-
Wat hat Jehova fir den Adam an d’Eva virgesinn?
-
Wouhier wësse mir, datt sech Gott säi Plang fir d’Mënschen net geännert huet?
-
Wéi kann een en echte Sënn am Liewe fannen?
MÉI GEWUER GINN
Ass et de Gaart Eden wierklech ginn?
„De Gaart Eden – Mythos oder Tatsaach?“ (Der Wachtturm, 1. Januar 2011)
Firwat mir sécher kënne sinn, datt d’Äerd fir ëmmer bestoe bleift.
Wat d’Bibel iwwer de Sënn vum Liewe seet.
E Mann, dee gemengt huet, alles ze hunn, huet dunn erausfonnt, wat him am Liewe gefeelt huet.
a An der nächster Lektioun gëtt ee gewuer, firwat d’Liewen haut net esou ausgesäit.
Méi gewuer ginn
FROEN IWWER ZEIE VU JEHOVA
Wéi kann ech mir e Bibelcours vun Zeie vu Jehova virstellen?
Fir den interaktive Gratisbibelcours, deen d’Zeie vu Jehova ubidden, kënnt Dir all Iwwersetzung vun der Bibel gebrauchen. Fillt Iech fräi, Är Famill a Frënn och anzelueden.
