Et gëtt esou vill Schéines am Liewen. Esouguer wa mir Problemer hunn, ginn et awer Momenter am Liewen, wou een sech freeë kann. Wéi kënne mir weisen, datt mir fir d’Liewen dankbar sinn? A firwat ass dat esou wichteg?

1. Firwat solle mir d’Liewe schätzen?

D’Liewen ass e Kaddo vun eisem léiwe Papp Jehova. Hien huet alles erschafen an ass „den Ursprong vum Liewen“ (Psalm 36:9). „Hie selwer [gëtt] alle Mënsche Liewen an Otem an alles“ (Apostelgeschichte 17:25, 28). Jehova gëtt eis alles, wat mir fir ze liewe brauchen. An dat Bescht ass, datt mir duerch all dat d’Liewe richteg genéisse kënnen. (Lies Apostelgeschichte 14:17.)

2. Wéi kënne mir Jehova weisen, datt mir fir d’Liewen dankbar sinn?

Jehova interesséiert sech fir eis vum éischte Moment un, wou eist Liewen am Bauch vun der Mamm ugefaangen huet. Jehova huet an der Bibel e Gebiet opschreiwe gelooss, an deem den David zu him seet: „Deine Augen sahen mich sogar als Embryo“ (Psalm 139:16). Däi Liewen ass fir Jehova ganz wäertvoll. (Lies Matthäus 10:29-31.) Géif een sech selwer oder engem anere Mënsch d’Liewen huelen, deet dat Jehova immens wéi (2. Mose 20:13). a Jehova fillt och esou, wa mir eist Liewen onnéideg a Gefor bréngen oder net genuch oppassen, fir d’Liewe vun aneren ze schützen. Wa mir op eist Liewen an op dat vun aneren oppassen, weise mir, datt mir fir dëse wonnerbare Kaddo dankbar sinn.

 AN DEN DETAIL GOEN

3. Op d’Gesondheet oppassen

Well ee Jehova versprach huet, alles ze maache wat hie wëll, setzt een säi Liewe ganz fir hien an. Et ass, wéi wann een säi Kierper als en Affer fir Gott gëtt. Römer 12:1, 2 liesen. Dozou dës Froen:

• Wat soll eis motivéieren, op eis Gesondheet opzepassen?

• Wéi kanns du op deng Gesondheet oppassen?

 5. D’Liewe vum Bëbee am Bauch vun der Mamm schützen

Den David huet a poeetesche Wierder beschriwwen, datt sech Jehova fir e Kand interesséiert, dat sech am Bauch vun der Mamm entwéckelt. Psalm 139:13-17 liesen. Dozou dës Fro:

• Wéini fänkt fir Jehova d’Liewen un – bei der Gebuert oder wann eng Fra schwanger gëtt?

D’Gesetz, dat Jehova den Israelitte ginn hat, huet schwanger Fraen an hire Bëbee am Bauch geschützt. 2. Mose 21:22, 23 liesen. Dozou dës Froen:

• Wéi huet Jehova eng Persoun gesinn, déi ongewollt doru schold war, datt e Bëbee am Bauch vun der Mamm gestuerwen ass?

• Wéi fillt Jehova wuel, wann een dat absichtlech mécht? b

• Gesäis du dat och esou? Firwat oder firwat net?

De VIDEO kucken.

Esouguer eng Fra, déi d’Liewe schätzt, kéint denken, datt eng Ofdreiwung an hirer Situatioun déi eenzeg Léisung ass. Jesaja 41:10 liesen. Dozou dës Froen:

• Bei wiem soll eng Fra Hëllef sichen, wann si zu enger Ofdreiwung gedrängt gëtt? Firwat?

 FAZIT

D’Liewen ass e Kaddo vu Jehova. Hie wëll, datt mir esouwuel eist Liewen ewéi och d’Liewe vun aneren als wäertvoll ugesinn, et uechten an et schützen.

Réckbléck

• Firwat ass e Mënscheliewe wäertvoll fir Jehova?

• Wéi empfënnt Jehova, wann ee mënschlechem Liewen en Enn mécht?

• Wat schätz du um Liewe besonnesch?