Mu 2024, vote zazingi zibâ mu nza yayansoni. Kâ bantu babingi bata lembo vutu kwikila mfumu za politike.

•   Américains zazîngi zi bayuriri zatêle ti “bwimi buvulu tumaka mfumu za politike” kani bakipa nsatu za bantu. a—Pew Research Center, 19 septembre 2023.

 Ntwenia zazingi mpe zita lembo vutu kwikila mu mfumu za politike.

•   “Bantwenia nsatu yi bâka nawu ya yirika misamu miawu; bu babayulaka, bawu bâkata ti mfumu za politike ka zilendaka ko mu yirika misamu miawu.”—The New York Times, 29 janvier 2024.

•   “Bantwenia lukwikulu lwingi batûlaka mu bantu ba réseaux sociaux, yôka mfumu za politike.”—The Korea Times, 22 january 2024.

 Ngano tulendi kwikila ti mfumu za politike zayirika misamu? Nani tulendi kwikila?

 Mfunu wena kwe bantu mu saka keba mu muntu wu bakwikilaka. Bibila ditâka ti “muntu wulembolo zaba misamu, misamu miamiansoni mi batâka wutambulaka; kâ muntu we na meso ma tia, ntambi zandi kakengerelaka.”—Bingana 14:15.

•   Mu baka malongi ma lendi sarila mu taluzula nsangu zi bakaka, tanga mutu-diambu wa “Tikengerala mu nsangu za mbi.”

 Ntono mabanza mawu ma mbote na ma delakana, mfumu za politike ka zi lendaka misamu miamiamnsoni mi bawayaka ko. Ntiangu Bibila dilwengesaka:

•   Kusikirilandi mfumu za bantu; ka kwena muntu ko wulendi ku vukisa.”—Mikunga 146:3, Good News Translation.

 Bibila ditêle ti Nzambi wasola ntwarisi ye na lenda mpe yi balendi kwikila: Yezu Kristo. (Like 1:32, 33) Yezu ni mutinu wa Timfumu tia Nzambi, guvernema yitwarisaka tûka ku zulu.—Matie 6:10.

•   Longoka mu bungu dia nti lendi sikirila Yezu mpe nti kasa mu yirika misamu mieto. Tanga mutu-diambu wa “Mutinu wa Timfumu tia Nzambi ni nani?” na wa “Ngano Timfumu tia Nzambi ntia misamu tilungisa?”