“Misamu miamingi tuta yirika mitulumuna katastrofe ya climat. Mimvuka mia minene mbo midiama. Mvula za ngolo zibwa. Mamba mbo makondo. Bibulu biakaka mbo bizimbakana. Ka tiena tinsamu tia mpamba ko. Sianse yisongele ti misamu ni mio mi tulumuna ndiatulu’eto ya bwawu bu, mu musamu wutariri courant.”—Tinzonzi tia António Guterres, mfumu ya Nations Unies, mu rapore ya Groupe d’experts intergouvernemental sur l’évolution du climat ya 4 avril 2022.

 “Basiantifike batêle ti mfukulu yitulumuka mu mivu mita kwiza mu bungu dia nsobolo za climat, mbo zibebesa kampe masangi 243 ku Etats-Unis ma batomo kengerelaka mu bungu dia yaninga dia ha mutoto. Misamu mia mbi milendi tûla, mifwanane na katastrofe zi tulendi tanga mu Bibila: tiya twa masangi na niamba, glace zita sika, matuma (vagues) ma ngolo na yaninga dia ngolo.”—“Niamba ya ngolo ku Yellowstone, tidimbu tia mpasi zita kwiza,” The New York Times, 15 juin 2022.

 Misamu mita kwamisa mutoto, ngano balendi mia yirika? Tala ti bulendi bâ, nani yirika mio? Taluzula misamu mi tâka Bibila.

 Bibila ditêle ti Nzambi mbo “kafukisa bô bata bebesa mutoto.” (Nzabukusu 11:18) Verse yi ya Bibila misamu mitatu yita tu longesa:

1.  1. Nsalulu za bantu mbo zitomo bebesa mutoto.

2.  2. Mfukulu ya mutoto mbo yimanisa.

3.  3. Nzambi, ka bantu’â ko, mbo kayirika misamu mikwamisaka mutoto.

 Bibila ditêle ti “mutoto mankululu wuzingila.” (Ekleziaste 1:4) Ntangu zazansoni, bantu mbo babêla wo.

•   “Bantu ba sungama mbo babiarila mutoto, mpe mbo bazinga mankululu ha zulu mutoto.”—Mikunga 37:29.

 Mbote ya mutoto mbo bakârisa yo mu mpila ya lunga.

•   “Sese na mutoto wa yuma mbo biyangalala. Luseke lwa sese mbo lubâ mu nsayi mpe mbo lubuta bifulu ntiana safrane.”—Izaya 35:1.