BÊNO NA MESO MA TIA!
Miangu mia ngolo na mata mu nza—Ngano Bibila bwe ditâka?
Mu juillet 2022, bantu basariri mata mu tulumuna miangu mia ngolo:
“Lufwa lwa Mfumu ya politike yiyôkele nsangu ku Japon [Shinzo Abe] lwakotese vwanzi mu nsi mpe nza yayansoni yatomono ningana; nsungula, mu bungu ti mata ka mamingi’â ko me ku Japon, mpe misiku mia ngolo miyiminaka mo.”—10 juillet 2022, The Japan Times.
“Danemark yaningane, muntu wabêle na buta bu wahondele bantu batatu ku hata dia Copenhague.”—4 juillet 2022, Reuters.
“Afrique du Sud: Bantu 15 bafwiri mu bungu dia bantu babêle na mata mpe bakuburi bantu ku tizunga timosi ku Soweto.”—10 juillet 2022, The Guardian.
“Bantu yôka 220 bahondele mu buta, ku États-Unis, mu nsuka ya lumingu lwa 4 juillet 2022.”—5 juillet 2022, CBS News.
Ngano tivuvu tie kô ti miangu mio mbo miwâ? Ngano Bibila bwe ditâka?
Nsuka ya miangu
Bibila ntangu ya beto ditâka “bilumbu bia mansukina,” ntangu bantu yi basarila miangu na mbi. (2 Timote 3:1, 3) Miangu mia mpila yo bantu mitâka bunkuta. (Like 21:11) Kâ, Bibila ditukanisini ntangu yi wâ miangu mpe “bantu mbo babâ mu mbuka ya dzuna, mu nzo za mbote na mu mbuka za humina za mbote.” (Izaya 32:18) Bwe miangu mimanisina?
Nzambi mbo kakatula bankwa-mbi mpe mbo kafukisa mata mamansoni.
“Bankwa-mbi mbo babakatula ha mutoto.”—Bingana 2:22.
“[Nzambi] mizingu kasukisaka ha mutoto wa mukaka. Arke kazengaka, mpe dionga kakosakasaka; bipusu bia muzingu kafukisaka mu tiya.”—Mikunga 46:9.
Nzambi mbo kakatula musamu mitulumunaka miangu bu kalongesa bantu mu bâ mu tidzunu.
“Bawu ka batulumuna kani mbi ko mpe kani mfukulu ko, ku mongo’ani wa santu, mu bungu ti, diangana mutoto mbo wufuluka mu luzabu lwa Yehova ntiana mamba bu mayabamaka mubu.”—Izaya 11:9.
Lumbu ti mpe, Nzambi bantu kata longesa mu nza yayansoni mu bika miangu na nsalulu ya mata, na mu “soba mbele za muzingu mu nsengo na madionga mawu mu nkakulu.”—Mika 4:3.
Mu zaba miakaka mu makani ma Bibila ma nza ya lembo bunkuta, tanga mutu-diambu wa “Kûluka mu bunkuta—Ngano mbo bubâ?”
Mu zaba miakaka mu mpila yi katukila miangu, tanga mutu-daiambu wa “Tidzunu tia mankululu ha mutoto!”
Dzukula mpe...
ESSENTIAL BIBLE TEACHINGS
Mu bungu dia nti Nzambi kata bikila mpasi?
Bantu babingi batiyulaka: mu bungu dia nti nza ye ya fuluka mu diki na mu mpasi. Bibila bo dihanaka mvutu ya mbote mpe bo yihanaka ngolo.
BETO NI BANANI?
Lomba vizite
Zonzela tiyuvu tia Bibila na Mbangi za Yehova, peleko tomo zaba Mbangi za Yehova.
