Organisation mondiale de la santé (OMS) yatêle ti mu tilumbu tia 23 mai 2022, milio 6,27 za bantu bafwiri mu coronavirus. Kâ, mu nsangu zaduka mu tilumbu tia 5 mai 2022, OMS yatâ ti lutangu lwa bantu bafwiri luyôkele lwawu lu. OMS yivutulu tâ ti mu 2020 na 2021, “lutangu lwa bantu bafwa mu coronavirus [. . .] lweri lwa milio 14,9.” Ngano Bibila bwe ditâka mu misamu mio mia mpasi?

•    Yezu wabikula ti mbo kwaketi bâ bimbevo biyalanganaka, peleko epidemi za “bimbevo bia ngolo,” mu ntangu yi batâka “bilumbu bia mansukina.”​—Like 21:11, Contemporary English Version; 2 Timote 3:1.

 Mbikululu ya Yezu bwawu bu yita lungana. Mu zaba miakaka, tanga mutu-diambu wutêle “Ngano tidimbu tia “bilumbu bia mansukina,” peleko “ntangu za mansukina” ni tie?”

•    “Nzambi ya mbombolo zazansoni [. . .] beto yibombaka mu ntontolo zeto zazansoni.”—2 Bisi-Korente 1:3, 4.

 Babingi bahombesa bantu ba bazololo babaka lutindusu mu nsangu za Bibila. Zaba miakaka mu mutu-diambu wa “Telamana mpasi—Nti lendi sa lumbu ti” na wa “Lubakusu luyôkele kwe bô bafwilulu muntu.”

•    “Bika Timfumu tiaku tizi. Bika luzolo lwaku lwasalama, ku zulu, na ha mutoto.”​—Matie 6:10.

 Ntamana “Timfumu tia Nzambi” mbo tisa ti ‘kani muntu watâ: “timbevo tie nani.’” (Marke 1:14, 15; Izaya 33:24) Tala video ya Ngano Timfumu tia Nzambi ni nti? Mu tomo zaba guvernema ya ku zulu na misamu mi yiyirika.

 Tukulombele mu tomo longoka misamu mi tâka Bibila; buna nge na kanda diaku lulendi baka ndandu mu malongi na makani mandi ma mbote.