Mu Jeux Olympiques za mu été 2024, kampe miliare 5 za bantu batala nsaka zisa bantu ba nsi 206. Thomas Bach, mfumu ya Comité international Olympique, têle: “Mu musamu twena wuta vukasa bantu mu tidzunu. Takembeleno mabanza mo ma babêla mu tidzunu, mu bumosi, ntono luswaswanu lweto.”

 Ngano Jeux Olympiques zilendi lungisa makani na mpila yo? Ngano tivuvu tie kô tia nkatika tidzunu na bumosi?

 Jeux Olympiques za muvu wu ka zita singasa sport ya mpamba ko. Nsaka zango zasongele misamu mia politike na miakaka mihambasaka bantu: misamu mitariri nswa mia bantu, titantu tia mukanda nitu, tia nsambululu na miakaka.

 Nsaka za sport mu nza, ntiana Jeux Olympiques, bantu zihanaka bweso bwa yôkesaka ntangu. Kâ, nsaka zango ndiatulu na nsalulu za tihambula zisongelaka mpe zisingasaka, kâni zasingasa bumosi na tidzunu.

 Bibila diabikula ndiatulu zisaka ti bumosi bwabâ mpasi mu lungisa lumbu ti. (2 Timote 3:1-5) Mu baka nsangu zakaka zitariri mbikululu yo ya Bibila, tanga mutu-diambu wa “Ngano Bibila diabikula mbanzulu na ndiatulu ya bantu ya lumbu ti?”

 Mu Bibila nkatika tivuvu tia mô tia bumosi na tidzunu mu nza. Bantu dikanisinaka ti babansoni mbo babâ mu bumosi, mu lutumu lwa guvernema yimosi ya ku zulu yi batâka “Timfumu tia Nzambi.”—Like 4:43; Matie 6:10.

 Mutinu wa Timfumu tiango, Yezu Kristo, mbo kanata tidzunu mu nza. Bibila ditêle:

•   “Bantu ba sungama mbo bafula, mpe tidzunu mbo tisampa.”—Mikunga 72:7.

•   “Yandi mbo kavukisa mputu yita mu lomba lubakusu [. . .] Yandi mbo kabakûla mu nkwamusu na mu miangu.”—Mikunga 72:12, 14.

 Lumbu ti mpe, ndongosolo za Yezu milio za bantu zivukasaka mu nsi yôka 239. Bu twe Bakristo, Mbangi za Yehova za mu nza zalongoka mu singasaka tidzunu. Mu zaba ngano bwe, tanga Nzo ya Zangama ya Munkengi ye na mutu-diambu “Briser le cercle de la haine.”