Mu tilumbu tia 24 mai 2022, mpasi zatulumukini ku hata dia Uvalde, ku tizunga tia Texas, ku États Unis. Mu nzonzolo ya The New York Times, “muntu wabêle na buta wahondele bala 19 na profesere 2 [. . .] ku lukolo lwa Robb.”

 Musamu wa tiari ni wena’eti, mpasi za mpila yo mbala zazingi zivulu tulumukaka. USA Today yatêle ti ku États-Unis kwa, “mata mbala 249 makubukiri mu tukolo mu muvu wayôkele, yôka muvu ni muvu tûka 1970.”

 Ngano miangu mia mpila yo mia nti? Bwe tulendi telamana misamu mio mia mbi? Ngano tivuvu tie kô ti miangu mbo miwâ? Bibila mvutu dihanaka.

•   Mu Bibila, ntangu ya beto “bilumbu bia mansukina” batâka yo, bantu babîngi bu bata ‘kondo luzolo’ mpe bata bâ na “mutima ngolo,” bu bakwe bê na nsalulu za miangu. Bô bayirikaka misamu mia mpila yo “mbo bavutu tomo sarila mbi.” (2 Timote 3:1-5, 13) Mu zaba miakaka, tanga mutu-diambu wa “Ngano Bibila mbanzulu na ndiatulu ya bantu mu ntangu ya beto dizonzelaka?”

 Bantu babingi batiyulaka: ‘Mu bungu dia nti mbi yo, ntiana mata ma ku lukolo, yita yilama?’ Mu baka mvutu ya Bibila, tanga mutu-diambu wa “Mu bungu dia nti bantu balembolo zaba misamu bamwinaka mpasi?”

•   “Miamiansoni miatsonoko mu ntama, batsoneka mio mu tu longesa, ngatu [. . .] mu mbombolo ya Matsonoko tabâ na tivuvu.”​—Bisi-Rome 15:4.

 Mitieno mia Bibila milendi tu bakisa mu telamana miangu mia mu nza. Tala Réveillez-vous ! ye na mutu-diambu “Ngano bumpumbulu mbo buwâ?” mu baka nsangu zakaka.

 Mu baka malongi mu mpila bibuti yi bilendi bakisila bala bawu mu telamana nsangu za nsisi, tanga mutu-diambu wa “Nsangu zitâka lwaka na bala beno.”

•   “Yandi mbo kabakûla mu nkwamusu na mu miangu.”—Mikunga 72:14.

•   “Mu mbele zawu za muzingu mbo basala nsengo, mboko mu madionga mawu, nkatulu za fumbama. Ka kuvutu’â bâ kanda dinwanisa kanda diakaka ko, mpe ka bavutu’â longoka muzingu ko.”—Mika 4:3.

 Nzambi mbo yirika misamu mi lembanaka bantu. Guvernema ya timfumu tiandi tia ku zulu mbo yikatula mizingu na mata mamansoni. Mu zaba nsangu zakaka zitariri misamu mi lungisa Timfumu tia Nzambi, tanga mutu-diambu wa “Mu Timfumu tia Nzambi, ‘tidzunu mbo tibâ tiatingi.’”