Mu tilumbu tia 9 octobre 2024, Fond mondial pour la nature yadûkisi rapore yimosi yita tuma bantu mu tomo dimbitila um misamu mi bayirikaka um bima bia mu nza. Rapore yisongele ti “mu mvula 50 zayôkele (1970-2020), lutangu lwa bibulu bia ku sangi bi bakengerelaka lwakokele mu 73%.” Rapore yivutulu tâ: “Tulendi na bunsungu bwabwansoni ti misamu mitûla mu mivu 5 mita kwiza mbo misongela bwe luzingu lubâ ha mutoto mu mivu mita kwiza.”

 Bantu babingi bafwemene mu bungu dia rapore yo. Mutoto wa tutomono zolo mpe ka tuzololo’â ko mu monaka luzingu ha mutoto luta beba. Tala ti ni bo tumonaka ni mu bungu ti Nzambi wazolo ti takipa bibulu.—Mbatukulu 1:27, 28; Bingana 12:10.

 Buna, lendi tiyula: ‘Ngano mbo tulenda mu kengerela bibulu ha mutoto? Bibila bwe ditâka?’

 Ntono ngolo ziyôkele bubote zi sarilaka bantu, luzingu lwa mutoto wu ha moko ma Nzambi lusikamane, ka ma bantu’â ko. Bibila ditêle mu Nzabukusu 11:18 ti Nzambi “kanata mfukulu ya bô bafukisaka mutoto.” Verse yo misamu miole yita tu longesa:

1.  1. Nzambi mbo kakabakasa bantu mu tomo bebesa peleko mu fukisa mutoto.

2.  2. Ntamana Nzambi mbo kasa tima. Bwe tuzabiri wo? Lenda die na bantu dia fukisa mutoto ka diatoko’â bâ ngolo tia bawu bu ko.

 Ngano Nzambi nti kasa mu yirika musamu wo? Yandi mbo kasarila guvernema’andi ya ku zulu, peleko Timfumu, mu yâla mutoto wawansoni. (Matie 6:10) Guvernema yo mbo yihana ndongosolo ya mbote kwe bantu batumamaka ngatu bakengerela luzingu lwa bibulu ha mutoto.—Izaya 11:9.