BÊNO NA MESO MA TIA!

Nsatu yikotele mu nza mu bungu dia mizingu na nsobolo za climat—Bibila bwe ditâka?

WÂ MU

Muzingu wa ku Ukraine na misamu mita tulumuna nsobolo za climat, bitatamane mu tulumuna kondo kwa bidia mu nza. Mu samu ni wo wuta tomo moneka mu nsi zilembolo na bimvwama biabingi, bantu ku balembolo na bidia bia fwanana.

“Mizingu, nsobolo za climat na ntalu courant, pétrole na gaz na misamu miakaka bantu bita kabakasa mu sala na mu kaba bidia.”—António Guterres, Mfumu ya ONU, 17 juillet 2023.
“Bantu ba mayela batâ ti nsi ya Russie yamana katuka mu accord sur les exportations de céréales, ntalu ya bidi ambo yaketi tomo naka mu nsi zilembolo na bimvwama biabingi, nsungula ku Afrique du Nord na Moyen-Orient.”—Atalayar.com, 23 juillet 2023.

Tala misamu mi tâka Bibila mu bungu dia nsatu na bilumbu bita kwiza.

Bibila diabikula nsatu

Yezu watâ: “makanda mbo manwana mpe bimfumu mbo binwana, mpe mbo kubâ nsatu.”—Matie 24:7.
Mukanda wa Nzabukusu binati biyà bia mabalu dizonzelaka.Wumosi mu bawu muzingi kamonekesaka. Wô mu landaka nsatu kamonekesaka, ntangu yi kondo bidia mpe yi batekela bio ntalu. Mukanda wo wutêle: “Meno namona balu dia ndombi, mpe tinati tiandi na tiyêlolo tia madema ha ha koko. Meno nawâ lwaza lwabâ ntiana zu [. . .] Zu dio diatâ: ‘Litre yimosi ya ble mbo yifwa mfutulu ya tilumbu timosi tia tisalu! Litre zitatu za orge mbo zifwa mfutulu ya tilumbu timosi tia tisalu.’”—Nzabukusu 6:5, 6, Contemporary English Version.

Mbikululu yo yitariri nsatu mu ntangu ya beto yita lungana, yi batâka mu Bibila “bilumbu bia mansukina.” (2 Timote 3:1) Mu zaba misamu miakaka mitariri “bilumbu bia mansukina” na binati bia mabalu bia biyà bia mukanda wa Nzabukusu, tala video ya Nza yayizi soba tûka 1914 mpe tanga mutu-diambu wa “Binati biyà bia mabalu—banani bena?”

Bwe Bibila dilendi bakisila

Mu Bibila malongi ma delakana me mô malendi tu bakisa mu telamana nkwamusu, ntiana ntalu ya bidia peleko nsatu. Tala bifwani mu mutu-diambu wa “Bwe lendi sa na lubaku lwa fioti.”
Bibila beto dihanaka mpe tivuvu tia bilumbu biyôkele bubote. Kani dihanaka ti ntangu yibâ kô “mbutu mbo zibâ zazingi ha mutoto” mpe muna muntu mbo kabâ na bidia bia fwanana. (Mikunga 72:16) Mu longoka misamu miakaka mitariri tivuvu tio tia bilumbu bita kwiza, mpe mu bungu di anti lendi tia kwikila, tanga mutu-diambu wa “Nkatika tivuvu mu bungu dia bilumbu bia mbote.”