Mu tilumbu tia 19 mai 2022, conseil de securité ya Nations Unies yawirikiri mfumu 75 za zinene zatêle ti “kondo kwa bidia mu nza kwatulumukini mu bungu dia nsobolo za climat na timbevo tia coronavirus, kwatomo koba na muzingu wa ku Ukraine.” Ntangu fioti ha manima, The Economist yatêle ti “muzingu bantu ba mputu wuta kotesa mu nsatu ya ngolo.” Bibila diabikula ti misamu mia mpila yo, mia kondo kwa bidia, mbo miaketi lungana mu ntangu ya beto, kâ beto dibakisaka mpe mu telamana mio.

•    Yezu wabikula: “makanda mbo manwana mpe bimfumu mbo binwana, mpe mbo kubâ nsatu.”—Matie 24:7.

•    Mukanda wa Nzabukusu wazonzela bifwani binati biyà bia mabalu. Wumosi mu bawu wumonekesaka muzingu. Ha manima mandi, wakaka kwe mu landi, wumonekesaka nsatu, mpila mosi ntangu yi bâ bidia mpasi mpe yi batekela bio ntalu. “Meno namona balu dia ndombi, mpe tinati tiandi tiyêlolo tia madema tiabâ nandi ha koko. Meno nanwa lwaza lweri ntiana zu [. . .] Zu diango diatâ: ‘Litre mosi ya ble mbo yifwa mfutulu ya tilumbu tia mukaka! Litre zitatu za orge mbo zifwa mpe mfutulu ya tilumbu tia mukaka.’”—Nzabukusu 6:5, 6, Contemporary English Version.

 Mbikululu zo zitariri kondo kwa bidia peleko nsatu bwawu bu zita lungana, mu ntangu yi batâka mu Bibila “bilumbu bia mansukina.” (2 Timote 3:1) Mu zaba nsangu zakaka zitariri “bilumbu bia mansukina” na nzietolo ya binati bia mabalu bia mukanda wa Nzabukusu, tala video ya Nza yayizi soba tûka 1914 mpe tanga mutu-diambu wa “Binati bia biyà bia mabalu​—Ngano banani bena?”

•    Mu Bibila malongi ma mbote me mô malendi tu bakisa mu telamana misamu mia mpasi, ntiana ntalu ya bidia peleko nsatu za ngolo. Tala bifwani mu mutu-diambu wa “Bwe lendi sa bu bâka mu mbaya.”

•    Bibila mpe tivuvu dituhanaka ti misamu mbo mitoma. Bibila dikanisini ti “mbutu mbo zibâ zazingi ha mutoto” mpe muna muntu mbo wubâ na bidia bia fwanana. (Mikunga 72:16) Mu zaba miakaka mitariri tivuvu tia Bibila mu bungu dia bilumbu bita kwiza mpe mu bungu dia nti lendi tia kwikila, tanga mutu-diambu wa “Nkatika tivuvu mu bungu dia bilumbu bia ku matu.”