Ntiana bwatêle Nations-Unis:

•   Tûka tilumbu tia 7 octobre tii 23 octobre 2023, muzingu ha kati dia Gaza na Israele wahondese bantu yôka 6 400 mpe bantu 15 200 balwele, babîngi ni bô balembolo nwana muzingu. Mafunda mamingi ma bantu badiokele nzo zawu.

•   Tii mu tilumbu tia 24 septembre 2023, muzingu ha kati dia nsi ya Russie na Ukraine wahondese bantu 9 701 balembolo nwana muzingu, mpe bantu 17 748 balwele ku Ukraine.

 Ntia tivuvu Bibila dihanaka kwe bô babwilaka muzingu?

 Bibila diabikula ti Nzambi mbo “kasukisa mizingu ha mutoto.” (Mikunga 46:9) Yandi mbo kasarila guvernema ya ku mazulu, peleko timfumu, mu yingasa bimfumu biabiansoni bia bantu. (Daniele 2:44) Timfumu tia Nzambi mbo tinata lubakusu kwe bantu.

 Tala musamu mi yirika Yezu Kristo, mutinu wa Timfumu tia Nzambi:

•   “Yandi mbo kavukisa mputu yita mu lomba lubakusu, na muntu wa mpamba na wô wulembolo na muntu mu mu kûla. Yandi mbo kabâ na tiari tia muntu wa mpamba na tia mputu, mpe mbo kavukisa luzingu lwa bamputu. Yandi mbo kabakûla mu nkwamusu na mu miangu.”—Mikunga 72:12-14.

 Mu nzila ya Timfumu tiandi, Nzambi mbo kazimbakasa mpasi zazansoni na matimuna ma tulumunaka miangu na mizingu.

•   “Mbo kakusuna mpe mansangaza mamakulu mu meso mawu, lufwa mpe ka luvutu’â kwa sala ko. Ka ku vutu’â sâla mpe bufwiri ko, bidilu na mpasi ko, mu bungu bima bia ntama ka bivutu’â kwa bâ ko.”—Nzabukusu 21:4.

 Ntamana Timfumu tia Nzambi mbo tiyirika misamu mia bantu. Bibila diabikula “mizingu na nsangu za mizingu” bi tumonaka bwawu bu. (Matie 24:6) Misamu mio na miakaka misongele ti mu “bilumbu bia mansukina” bia lutumu lwa bantu twena.—2 Timote 3:1.