Nsangu za fuluka zena mu misamu mia mbi, mvita za makanda na mizingu mu bungu dia titantu.

•   “Mu bungu dia muzingu ha kati dia nsi ya Israele na tizunga tia Gaza, na bantu basingasa titantu, mabanza ma titantu matomono yangana mu réseaux sociaux.”—The New York Times 15 novembre 2023.

•   “Tûka tilumbu tia 7 octobre, titantu na bumpumbulu mu nza biatomono naka, mu mpila ya ngolo.”—Dennis Francis, mfumu ya Assemblée générale ya Nations Unis, 3 novembre 2023.

 Nzonzolo ya titantu, miangu na mizingu ka biena bia môna ko. Diangana, Bibila dizonzele bantu ba mu ntama “[beri tubaka] nzonzolo’awu ya mbi ntiana madionga,” mpe beri landaka mizingu na miangu. (Mikunga 64:3; 120:7; 140:1) Bibila divutulu songela bwe titantu tia bwawu bu tita zolo tâ.

 Bibila misamu miole dizonzelaka misingasaka titantu mu ntangu yi.

1.  1. Bibila ntangu dizongelaka yi ‘betoka luzolo lwa bantu babîngi.’ (Matie 24:12) Kani basingasa luzolo, bantu babîngi bifu basongelaka bitumaka titantu.—2 Timote 3:1-5.

2.  2. Titantu tia lumbu ti ni ndandu ya lutumu lwa Diabulu, Satana. Bibila ditêle ti “nza yayansoni mu lutumu lwa nkwa-mbi yena.”—1 Za 5:19; Nzabukusu 12:9, 12.

 Kâ, Bibila divutulu songela ti ntamana Nzambi mbo kakatula misamu miamiansoni mitulumunaka titantu. Mpe, Yandi mbo kakatula mpasi za tulumuna titantu. Bibila dikanisini:

•   Nzambi “mbo kakusuna mpe mansangaza mamansoni mu meso mawu, lufwa mpe ka luvutu’â kwa sala ko. Ka ku vutu’â sâla mpe bufwiri ko, bidilu na mpasi ko, mu bungu bima bia ntama ka bivutu’â kwa bâ ko.”—Nzabukusu 21:4.