Mbêlo ya vegan—Bibila bwe ditâka?
Mu nza yayansoni bantu babingi balandaka mbêlo ya Vegan.
“Mbelo ya Vegan mbanzulu zena peleko mbêlo yi babikilaka mu mpila zazansoni za delakana nsalulu na mpasi zi bamwisaka kwe bibulu mu yirika bidia, binkuti na bima biakaka.”—The Vegan Society.
Bantu bakaka bayizi lwata mbêlo ya Vegan mu kengerela mutoto, mu bungu dia ti kolela peleko mu bungu dia dibundu diawu .
“Mbêlo ya Vegan ya bavulu bongelaka ntiana mbanzulu, kani ba bongela yo ntiana mpila ya dîla, nsololo ya ndiatulu na nsalulu za mutu zi badingilaka mu sobesa misamu mia nza.”—Britannica Academic.
Ngano mbêlo ya Vegan yilendi tomesa misamu ha mutoto? Bibila bwe ditâka?
Mabanza ma M’vangi’eto mubungu dia bantu na bibulu
Kwe nzabi’éto Yehova a, bantu bayôkele bibulu mpe wa tula bio mu lutumu lwa bantu.(Mbatukulu 1:27, 28) Nzambi wa hana ndila kwe bantu mudia bibulu. (Mbatukulu 9:3) Kâ katambulaka ko bamwisa bibulu mpasi.—Bingana 12:10.
Mu bibila, sola mu dia musunia, nsololo yena muntu yi kafweti bonga yandi beni. b Nsololo yo ka yisaka ko ti tayôka bantu bakaka ha meso ma Nzambi. (1 Bisi-Korente 8:8) Ka tufweti’â tazonzela bubi ko bwa muntu wusolele mu dia musunia peleko kâni.—Bisi-Rome 14:3.
Nti bilendi tomesa misamu
Bibila di songelaka ti nsololo za mbelo’eto ka ziyirika misamu mia nza ko. Misamu miamingi mia mu nza mu politike mitûkaka, mu nkari na kwe bantu; ka milendi’â mia soba ko. Bibila ditêle:
“Tio titengamane ka balendi’â ba sungika tio ko.”—Ekleziaste 1:15.
M’vangui’eto mbo kayirika misamu mi tubwabanaka na mio. Bibila tifwani disarilaka mu zonzela misamu mi kayirika.
“Mpe namona zulu dia môna na mutoto wa môna; mu bungu ti zulu dia ntama na mutoto wa ntama biazimbakana, mpe mubu ka wusiri’â kô ko.”—Nzabukusu 21:1.
Nzambi mbo kayingasa bimfumu bia bantu peleko “zulu dia ntama” na “zulu dia môna,” peleko Timfumu tiandi tia ku mazulu. Timfumu tiandi mbo tikatula “mutoto wa ntama,” mpila mosi bantu basarilaka mbi, mpe mbo tiyâla “mutoto wa môna,” peleko bantu batumamanaka lutumu lwandi.
Mu lutumu lwa Timfumu tia Nzambi kwa bantu balongokela mu bâ mu tintwari na bibulu mboko na mutoto.—Izaya 11:6-9.
a Yehova ni nkumbu ya Nzambi.—Mikunga 83:18.
b Bibila beto dilombaka mu “lembo sarilaka [. . .] menga.” (Bisalu 15:28, 29) Wuzololo tâ ti ka tufweti’a tanwa menga ko, ka tufweti’a tadia musunia wu balembolo tsonesa menga ko peleko ka tufweti’â tadia bima bi bayikiri menga ko.
Dzukula mpe...
ESSENTIAL BIBLE TEACHINGS
Mu bungu dia nti Nzambi kasala mutoto?
Mutoto’eto wa nkatika wa toma wena. Nzambi watula mutoto ha titini tiadelakana na ntangu, wasala ngonda mu sikamasa mutoto, mpe wahana ntinu za zuganana za mbote ku mutoto. Mu bungu dia nti Nzambi katomo tihana mu sala mutoto wa toma?
MITU-DIAMBU MIAKAKA
Ngano kulendi bâ tinsamu tia mbongo tia buderede?
Guvernema ye kô yilendi yirika misamu mia mutoto mu mpila ya lunga, mbo yikatula bumputu na bunkuta mu bungu dia misamu mia mbongo.
