Muvu basiri muvu, mafunda ma bantu babatusuku, nsatu ye neto ya bâ na Nzo za Nsambululu zazingi. Ntiangu, depatrema za LDC za mu nza yayansoni bayizi kubika mu tunga peleko mu tomesa mbuka za nsambululu 2 700 mu muvu wa tisalu wa 2020. a

 Musamu wa tiari ni we ti, timbevo tia coronavirus tiayayase bisalu biango. Mu kengerela mpangi zeto na mu zitisa misiku mia luyalu, Comité d’édition ya Timvuka titwarisaka yalomba batoko bika bisalu biabîngi bieri salamaka mu nza. Kâ, mu muvu wa tisalu wa 2020, mbuka za nsambululu yôka 1 700 batomese ntete coronavirus yabatika. Bisalu kampe 100 bia twarisi filiale zeto bayizi lungisa. Tatala bwe bisalu biole bia ntungulu biayizi bâ nkatika salu mu bungu dia mpangi zeto.

 Filiale ya ku Cameroun. Nzo za ntama za filiale ze ku Douala, zayizi bâ za nkatika za fioti mpe bisalu bia ntomosono bia binene bieri dinganaka. Comité d’édition yadinga mu tomesa nzo zango kâ mbongo zeri dinganaka zayôka ntalu ya ntungulu. Ntiangu bayizi banza mpila ya sumba lupangu lwa môna peleko mu sumba na tomesa nzo zakaka, kâ mpila zo zazansoni ka zeri’â delakanaka ko.

 Mu ntangu yo, mpangi zayizi baka nsangu ti nu nore ya Douala, luyalu nzila lweri dingaka mu tunga penepene na Nzo ya tukutakanu twa tunene (Salle d’assemblées). Nzila yo mbo yaketi tomo bakisa mu kwenda ku Nzo ya tukutakanu twa tunene na mu kwenda mu mbuka zakaka. Musamu ni wo bampangi beri kekoloko! Timvuka titwarisaka tiyizi tambula ntungulu ya nzo za môna ku lumpangu lwa Nzo ya tukutakanu twa tunene.

 Mbangi za Yehova na mfumu za compagnie zakaka bayizi sala tintwari mu musamu wo; mpila yo yasiri tasa ekonomi ya mbongo. Butomo tala, mbongo zi tadukisi mu manisa bisalu bio na mbongo zi takubika, mbongo zi tadukisi zike: tayizi sa ekonomi ya 11 135 000 000 FCFA. Kanda dia Betele diaye kota mu nzo zango ntete coronavirus yabatika.

 Mpangi za ku Betele ya ku Cameroun, mu mpila ya nkatika ya mbote bata sarilaka bwawu bu, mpe nzo za mbote bata bêlaka; kwe bawu nzo zo za môna na filiale kabu dia Yehova diena. Mpangi yimosi yatêle ti: “Tuzololo tatomo sala ngolo mu songela ti kabu di diatutomono zolo.”

 Biro ya mbangululu (ADT) ya ku Tojolabal, Mexique. Tûka mivu miamingi, ekipe ya mbangululu ya mu zu dia dia Tojolabal ku filiale ya Amérique cenrale yeri sarilaka, penepene na Mexico. Kâ, zu dia Tojolabal ku Altamirano na ku Las Margaritas batomo dia zonzaka—kampe kilometre 1 000 na filiale! Mpangi zi bangulaka mpasi zeri nawu mu zaba bwe zu diawu dieri diatilaka. Mpe ku filiale, ka beri’â lenda ko mu baka mpangi zifwanane penepene mu bangula na mu sa enregistrements mu zu dia Tojolabal.

 Ntiangu, comité de redaction ya Timvuka titwarisaka yabonga nzengolo yanata ekipe ya mbangululu ku tizunga ti bazonzaka zu dia Tojolabal. Buna, filiale yasola mu sumba na mu tomesa nzo, mu lembo dukisa mbongo zazingi na bu batungiri peleko na bu bafutiriri.

 Tibanguri timosi tita zonzela ndandu zi bakiri titêle ti: “Tûka mvula 10 zi ndieri tibanguri ku filiale, ka nabwabana na kani na kanda dimosi ko dizonzaka zu diani. Bwawu bu biro’eto ya mbangululu ku tizunga ti bazonzaka Tojolabal yene. Bilumbu biabiansoni, bantu bazonzaka Tojolabal. Musamu wo mbo wutomo kumbakisaka mu tomesa tisalu tiani.”

 Mu muvu wa tisalu wa 2021, tala ti misamu midelakane, tufweti tunga peleko tufweti tomesa biro za mbangululu 75 na nzo za tukolo twa Bibila. Mbo tutatamana mu kwenda ku matu mu bisalu 8 bia mfunu, ntiana ntungulu ya mona ya ku siege mondiale ku Ramapo (tizunga tia New-York), na nsobolo ya mbuka mu bungu dia filiale ya Argentine na ya Italie. Mpe, Nzo za nsambululu 1 000 zifwanane, mbuka za nsambululu 6 000 zilembolo za delakana mpe bafweti za yingasa; mpe Nzo za Nsambululu 4 000 bafweti tomesa.

 Ngano mbongo za bisalu bio kwe zitûkaka? Mpangi Lázaro González, ya ku komite ya fililale ya Amérique centrale, waheni mvutu ya tiyuvu tio bu kazonzele ntungulu ya birô ya mbangululu ya Tojolabal. Yandi watêle ti: “Mu teritware ya filiale’eto ka twena na lubaku lwa fwanana ko. Buna, tala ti lubakusu lwa mpangi za mu nza kâni, ka taketi’â lenda ko mu tunga biro za mbangululu mu mazu makaka. Mu nzila ya makabu ma saka mpangi zeto za mu nza yayansoni, mpangi zibangulaka zayikiri penepene na makanda mazonzaka zu diawu. Matondo mamingi kwe kanda dieto dia mu nza yayansoni mu bungu dia tifu tiawu tia kaba.” Diangana, bisalu bio bia ntungulu mu nzila ya makabu mu bungu dia tisalu tia nza yayansoni bisalamanaka, makabu mamingi basilaka mu donate.pr418.com.