Tûka mvula 130, Mbangi za Yehova za ntangu yi ku tukutakanu twa muvu bakwendaka. Mu programe zo, binzonzi yôka 40 bie mô, mizike, interview na video. Mu bakila programe zo ndandu na mu simba mitima mia bantu, bafweti tomo za “wâ mpe [bafweti tomo za] tala.” (Like 2:20) Bwe basarilaka makabu maku mu bâ na lukwikulu ti bantu babansoni ndandu babakaka mu tukutakanu tu, mu mbuka yi babâka?

 Ku nsi za zinene, stade na salle za zinene bisalulu bia audio-video bi bâka nawu. Ka bu tudingaka mu sarila mbuka zo, mu bungu dia ti tudingaka mu bâ na bisalulu bieto? David, salaka ku departema ya Radiodiffusion ya Biro ya Yinene, têle: “Mbuka zazingi zi tufutilaka mu bungu dia tukutakanu ka zidelakane’â ko mu landa programe ya yila yôka heure 6. Mu tifwani, mu mbuka za sport sonorisation basarilaka mu yôkesa nsangu na mu sika mizike mia nkufi. Écran zawu mbo zisongelaka score za match, publicité, peleko bifwani bi bakârilaka. Kâ beto tuzololo ti bantu balanda video za zila, bawâ, mpe babakula muna misamu mi basongela.

 Mbuka zazansoni za tukutakanu za swaswana zena; buna bisalulu bia audio-video bifweti bâ bia delakana. Bu basolaka mbuka zi bâ lukutakanu, departema za Télédiffusion za ku filiale mbo zidingaka mu zaba mbuka yi zakala bantu tintwari na lutangu lwa bantu bakwiza mboko na bunene bwa mbuka ya lukutakanu. Bampangi mbuka zi batûla hauts-parleurs na écran badingaka mu zaba, mpe karte basaka ya mpila ya bavukasala zo. Ha manima, lutangu basaka lwa bisalulu biabiansoni bifwanane mu bâ na lukwikulu ti bantu babansoni mbo batala mpe mbo bawâ programe.

 Bisalulu bia audio-video bia nkatika bia mpasi bibâka mu ntangu yi ku bâka tukutakanu twa mazu mamingi. Tala ti bafweti bangula programe mu zu diakaka, audio na video bafweti za tambika kwe bantu babangula. Ha manima, mbangululu yifweti yôkela mu nzila yakaka mu bungu dia bantu babakulaka zu dio. Mu nzila ya lecteurs multi-media za delakana, video balendi ya delakasa mu bungu dia bantu babansoni, ni bu sa ti audio mu mazu ma 8 yena. David têle: “Bisalulu bio nkatika mpasi biena, mpe mpangi zisarilaka bio bafweti tomo ba longesa.”

 Mu filiale zazingi, bisalulu bia audio-video bie kô bi basarilaka mivu miamiansoni. Buna bampangi misamu bakubikaka ngatu bisalulu bio basarila bio mu mbuka zazingi. Filiale kwa ya ku États-Unis, yôka 120 461 300 FCFA (200 000 dollars a) yidukisaka mivu miamiansoni mu tambika kwa bisalulu bia audio-video mu mbuka za tukutakanu. Mpila yo nsatu’eto ya sumba na ya kipa bisalulu biakaka yidiminaka. Steven weri twarisaka audio-video ya lukutakanu lumosi ku Canada têle: ekipe’eto yasarila ngolo mu bâ na lukwikulu ti lutangu lwa bisalulu biabiansoni basa, bia bakipa, bia bakutika, mpe bia bakengerela, mu kubika bio mu bungu dia lukutakanu lwaketi landa.

 Sarila bisalulu bia audio-video bia bantu bakaka nkatika ntalu kwena; mpe bisalulu biango ka bivulu’â bâka bia mbote ko, peleko ka bakipaka bio bubote ko. Ntiangu tuvulu sumbaka bisalulu bibâka neto nsatu. Bwawu bu écran ya yinene ya LED ya 5m kampe 14 625 914 FCFA (24 000 dollars) yifwaka, mpe cable yimosi ya micro ya 15m kampe 12 188 FCFA (20 dollars) yifwaka; buna departema ya Radiodiffusion na departema ya Achat yisalaka mu zaba ntalu ntete basumba muna tisalulu. (Like 14:28) Mu tifwani, bantu bakwa babakila ndandu mu bisalulu bio? Ngano tufweti sumba bisalulu bia môna? Ngano mbuka ye neto ya lundila bisalulu bio, mpe bisalulu bie neto na bantu bafwanane mu kipa bio?

 Bisalulu bieto bia audio-video tutomo kipaka ngatu biazingila, mpe talembo hombesa mbongo zazingi. Valises za ngolo tusarilaka mu tambika bisalulu bia audio-video ngatu bialembo beba, mpe valises zo tuyirikaka tala ti zibebele.

 Bantu balembolo Mbangi za Yehova bayizi tomo yituku mu audio na video za tukutakanu tweto. Mu tifwani ku lukutakanu lumosi lwa lunene, muntu wumosi wusalaka mu yimosi ya compagnie ziyôkele bunene mu tisalu tia audio-video wayizi tâ ti tisalu tieto tia nkatika tia toma tiena. Jonathan, hanaka lubakusu mu bisalu bia audio-video ku tukutakanu tweto, têle: “Yandi wayizi tomo yituku mu mona ti bantu basalaka mu ekipe zeto mu luzolo lwa mutima batihanaka, kâ ka tiena tisalu tiawu ko.” Yandi wavutu tâ ti “bilumbu 5 bifwanane ku ekipe ya compagnie ya yandi mu yirika bima bio biabiansoni bita yirikila beto mu tilumbu timosi na ndambu’’. Ku lukutakanu lwakaka, mfumu ya mbuka yo wayizi tâ ti “bantu babingi bazebi tisalu tia mizike na tia video bayizi sala kû, kâ ka ndieka’eti mona tisalu tia mbote tia mpila yo ko.”

 Ngano bwe wayizi bakila ndandu mu bisalulu bia audio-video bia lukutakanu lwa lunene? Kampe mabanza ma David, bâka ku Angleterre, me naku. Yandi têle: “Mvula 88 ze nani, mpe ku tukutakanu twa tunene nikwendaka ntangu zazansoni. Ka bwawu bu ka wusiri’â musamu wa mpasi ko mu tomo landa lukutakanu. Mu nzila ya video za toma, lukutakanu lwalwansoni ntinu lukwendaka, mpe misamu ka mibâka mpasi ko mu bakula.” Micheal, bâka ku Nigeria, têle: “Mu bungu ti mpangi zeto ka zibâka na mpasi ko mu tomo wâ nzonzi na mu tala video, lenda dibâka nawu dia tomo tûla mutima mu misamu mi bata wâ na mu lembo hombesa na kani lweka lwa programe.”

 Muvu wu, bu kwenda ku lukutakanu lwa lunene na lwa nzitukulu lwa ‘‘Zabikisa nsangu za mbote,” tomo banza nti biakubakisi mu tomo wâ na mu tomo tala programe. Matondo mamingi tuta vutula mu bungu dia makabu meno na mo ma lusilaka mu nzila ya donate.pr418.com mabakisi mu lungisa musamu wo. Matondo.