Mu bungu dia nti tufweti kubama? Mbala mosi tulendi baka timbevo ti tulembo kekolo peleko tulendi kota lupitalu. Dieka bo, ntete timbevo tiakubaka, sa miamiansoni mi lenda mu baka lubakusu lufwanane ngatu bakubuka mu mpila yifwanane. Bu sila bo, mbo songela buzitu mu bungu dia luzingu na mu bungu dia musiku wa Yehova wutariri menga.​—Bis 15:28, 29.

Nti tulendi sa mu kubama?

• Sambila mpe tomo fulusa karte (DPA). a Bisamuni bia batusu bilendi baka karte DPA ya bawu beni na karte (ic) ya bala bawu ba fioti kwe mpangi yi kipaka mikanda

• Tala ti zimi die naku, lomba kwe bakuluntu bakuhana mukanda wa Fiche d’information pour les femmes enceintes (S-401). Mukanda wo mbo wukubakisa mu bonga nzengolo za mbote zitariri bimbevo bilendi ku tûrila bu we na zimi peleko bu buta

• Tala ti bafweti ku buka mu mpila yidingaka menga peleko lupitalu kota, toko watizonzela kwe bakuluntu, mpe zabikisa badoktere ti Mbangi ya Yehova yimosi yilendi kwizi ku tala

Bwe bakuluntu balendi hanina lubakusu? Bawu balendi ku bakisa mu fulusa karte’aku ya DPA. Kâ, bakuluntu ka babonga nzengolo ko zitariri timbevo tiaku peleko ka bahana mabanza mawu ko mu nsololo zifweti sa nge beni. (Ro 14:12; Ng 6:5) Bu têlaka bakuluntu ti timbevo tia ngolo tie naku tidinga basarila menga mu ku buka, bawu mbo basarila manzangu mu monekena Comité de liaison hospitalier (CLH) mu bungu dia nge.

Bwe CLH yilendi hanina lubakusu? Mpangi za CLH ndongosolo zabaka mu bakisa badoktere na bô bakipaka misiku mu bakula nkwikulu zeto zitariri menga. Bawu balendi zonza na badoktere mpila za bukila zilembo sarilaka menga. Tala wufwanane, bawu balendi ku bakisa mu baka badoktere batambulaka mu lembo sarila menga.

TALENO VIDEO YA BWE LENDI BONGELA NZENGOLO MU MPILA ZA BUKILA ZISARILAKA MENGA, MPE HANENO MVUTU MU TIYUVU TITA LANDA:

• Nti longokele mu video bilendi ku bakisa mu kubama mu mpila ya bukila yidingaka menga?

  Your answer