Yehova zololo ti makanda mabâ mu nsayi. (Mik 127:3-5; Ek 9:9; 11:9) Kâ, tulendi hombesa nsayi’eto mu bungu dia lwaka lwa nza yi, na mu bungu dia makuba ma bantu ba kanda dieto. Ngano muna muntu mu kanda nti kalendi sa mu bungu dia nsayi ya kanda?

Bakala difweti zangulaka mukento’andi. (1Pi 3:7) Bakala difweti yôkesaka ntangu na yandi. Mabanza ma delakana mafweti bâka nandi mu mio mi kakekoloko kwe mukento’andi; mpe mbo katondaka mu mio mi kasaka mu bungu dia yandi na mu bungu dia kanda. (Kl 3:15) Luzolo kasongelaka kwe mukento’andi mpe kembela kamukembelaka.—Bn 31:28, 31.

Mukento mpila wudingaka yi kabakisila bakala diandi. (Bn 31:12) Bakala diandi kalemvokelaka mpe tintwari basalaka. (Kl 3:18) Mu nsayi kazonzelaka kwe bakala diandi, mpe mu nsayi kamuzonzelaka kwe bantu bakaka.—Bn 31:26.

Bibuti ntangu biyôkesaka na bala bawu. (Lb 6:6, 7) Bala bawu batêlaka ti bawu bazololo. (Mt 3:17) Bu bahanaka ndongosolo, luzolo basongelaka na lenda dia swasikisa.—Ef 6:4.

Bala, buzitu na lutumamanu basongelaka kwe bibuti biawu. (Bn 23:22) Bala mbo babikaka ti bibuti biawu biazaba mabanza mawu na mbanzulu zawu. Ndongosolo ya bibuti biawu batambulaka mpe buzitu babasongelaka.—Bn 19:20.

TALENO VIDEO YA KURISENO NSAYI MU KANDA DIENO, MPE HANENO MVUTU MU TIYUVU TITA LANDA:

Ngano muna muntu nti kasiri mu kurisa nsayi mu kanda?