Mu tâ Yehova nsayi, milongoki mia Bibila mifweti kurisa timinu tia ngolo. (Eb 11:6) Tulendi simba mitima miawu bu tukwe sariri mukanda wa Bâ mu nsayi ntangu zazansoni!. Mu mukanda wu wa ndongokolo, verse za mfunu ze mo, mabanza ma delakana, biyuvu, video na bifwani bia mbote. Bu tukwe bakisi milongoki mia Bibila mu bâ na bifu bia mbote na mu bâ ndiku za Nzambi, mbo tubabakisa mu telamana nkwamusu ze ntiana tiya.​—1Ko 3:12-15.

Musamu wa mpasi wubâka kwe bantu bakaka mu banza ti balendi bâ ndiku za Nzambi Yi balembo monaka. Buna tufweti babakisa mu bâ na timinu mu Yehova, Nzambi ya luzolo.

TALENO VIDEO YA TUNGA TIMINU MU YEHOVA, BU KWE SARIRI MUKANDA WA “BÂ MU NSAYI NTANGU ZAZANSONI!” HA MANIMA HANENO MVUTU MU BIYUVU BITA LANDA:

• Bwe tuzabiri ti mpangi yo yatomo kubama mu bungu dia ndongokolo?

• Bwe katomo sarila biyuvu biakaka mu bakisa mulongoki mu dukisa mabanza mandi tintwari na Izaya 41:10, 13?

• Ntia nsobolo video na verse bianata kwe mulongoki?

Bantu babingi balembo bakulaka nkûlulu, peleko balembo ya mwinaka ntiana kabu dia Nzambi kwe bawu. (Nga 2:20) Buna, tufweti ba bakisa mu kurisa timinu mu nkûlulu ya Yezu.

TALENO VIDEO YA TUNGA TIMINU MU YEZU, BU KWE SARIRI MUKANDA WA “BÂ MU NSAYI NTANGU ZAZANSONI!” HA MANIMA HANENO MVUTU MU BIYUVU BITA LANDA:

• Bwe tuzabiri ti mpangi yo ya tomo kubama mu bungu dia ndongokolo?

• Bwe kayizi delakasa mabanza ma lweka lwa “Zaba biakaka” mu bakisa mulongoki?

• Mu bungu dia nti lusambulu lwe mfunu kwe mulongoki?