Barnabasi na ntumwa Paulo bawu bavulu zonzelaka mu Matsonoko ma Greki. Babakala bango salu tsia minkengi midzetaka beri salaka mu kwetari bimvuka bia ntete bia bakristo. Mubwenabwe? Nkatika lungu beri lunguku mu bungu dia mambote ma bampangi bawu ba tsimpeve. Paulo wata ti wabanandi “kakala mu kwe tala bampangi” mu zaba kabwe beri diatilaka. Weri tambulakamu mu sa ndzietolo za nkama za kilometre ngati kenda kabatsindisa. (Bisalu 15:36) Minkengi midzetaka mia ntangu ya beto mpe ni bo basarilaka.

Tsindisa bakwizi tutsindisaka. Munkengi wa zungirila bimvuka keti 20 katalaka mbala zole mu mvula, mpe lumingu lumoshi kayokesaka mu kontso tsimvuka. Tsifwani tsiawu na tsia bakento bawu tala ti bakwela bena tilenda tomo tusarisa bwabwingi. Nkento na bakala ngolo basarilaka mu zaba bampangi babansoni ba tsimvuka ni yiba ntwenia peleko mbuta, mpe mbo bayangalalaka mu duka neto mu salu tsia samuna peleko mu longoka Bibila na bantu. Hatsimoshi na bakuluntu mikengi miango bampangi bakwetariki ku nzo zawu mu bavunga, na zidiskure mpe basaka ku tukutakanu twa fieti na twa tunene mu tutsindisa.​—Bisalu 15:35.

Bantu babansoni bayangalalaka na bo. Minkengi mia zungirila mbo batombaka mu zaba tali ti bimvuka tsiwisa tsiatsibote tsie nawu na Yehova. Mbo bavukanaka na bakuluntu mpe na bibakishi mu salu mu tala kabwe tsimvuka tsitadiatila mpe mu bahana malongi mafwanakane ngati bazaba tomo nata tiyeko tsiawu. Mbo babakisaka mpe mpasuri-nzila ngati balenda mu sala salu tsiawu, mbo bayangalaka mpe mu zabasana na bampangi bamona mpe mu zaba mpila yitakurila tsiwisa tsiawu na Yehova. Munkengi wa zungirila moshi moshi nkatika hana katihanaka mu ba “mpwaneto ya salu mu bungu dia mambote meto.” (2 Bisi-Korente 8:23) Tufweti kopa tsifwani tsia tsiminu na tsia tsiya twawu mu salu tsia Nzàmbi.​—Bahebre 13:7.

• Mubwenabwe minkengi mia zungirila mi kwe yendeleke mu bimvuka e?

• Ntsia mambote mwizulu’awu wulenda kunatina e?