TIMOKO 11
Bwe lendi tomo bakila ndandu mu Bibila
Ngano wayizi dinga mu batika tisalu tia tinene, kâ wayizi mona ti nguria mpasi tiena? Mu lembo tia mwina mpasi zazingi lendi tia bukuna mu bisalu bia fioti bilembolo mpasi. Musamu wo mpe wa matieleka we mu diambu ditariri ntangulu ya Bibila. Lendi tiyula: ‘Ngano hê nibatikila?’ Mu timoko ti, mbo tutaluzula bima bia fioti fioti bilendi ku bakisa mu zolo ntangulu na ndongokolo ya Bibila.
1. Mu bungu dia nti tufweti tangaka Bibila ntangu zazansoni?
Muntu wuvulu tangaka Bibila, peleko “musiku wa Yehova,” mbo wubâ mu nsayi mpe mbo wulenda. (Tanga Mikunga 1:1-3.) Mu batika, yêla mu tangaka minite ndambu, lumbu basiri lumbu. Bu kwizi yukunu na Zu dia Nzambi, mbo kwizi zolo ntangulu’aku ya Bibila.
2. Ngano nti bilendi ku bakisa mu baka ndandu mu ntangulu ya Bibila?
Mu tomo bakila ndandu mu ntangulu ya Bibila, tufweti humaka mpe tufweti tomo banzaka mio mi tuta tanga. Tufweti mia tangaka mpe tufweti “mia dimbitilaka.” (Yoswa 1:8, note) Bu kwe tangi tiyulaka biyuvu ntiana: ‘Nti mita kundongesa mu Yehova? Bwe ndendi mia sarila mu luzingu lwani? Bwe ndendi sarila verse zi mu bakisa bantu bakaka?’
3. Bwe lendi bakila ntangu ya tangaka Bibila?
Ngano musamu wa mpasi wena kwe nge mu baka ntangu ya tangaka Bibila? Babingi mu beto bamwinaka wo mpasi. Yêla “mu sarila ntangu’aku mu mpila ya mbote.” (Bisi-Efeze 5:16, NWT) Lendi bwasa bu kubikaka ntangu ya fwanana mu tangaka Bibila lumbu basiri lumbu. Bantu bakaka mu pari batangaka Bibila. Bakaka mu mwini batangaka Bibila, kampe mu ntangu yi badiaka. Bakaka mpe, mu mpimpa batangaka Bibila ntete be basêka. Ngano ntia ntangu ye ya mbote kwe nge?
YIKA NDILU
Longoka bwe lendi tomo tomesena ntangulu’aku ya Bibila. Longoka bwe lendi tomo kubamana mu tomo bakila ndandu mu ndongokolo’aku ya Bibila.
Ntiana bu tulokongaka mu zolo bima bi tweka lembo dia, tulendi longoka mu zolo ntangulu ya Bibila
4. Longoka mu zolo ntangulu ya Bibila
Wulendi bâ musamu wa mpasi mu batika ntangulu ya Bibila. Lendi longoka mu zolo ntangulu ya Bibila, ntiana bu walongoka mu zolo bima bi walembo toko dia. Tangeno 1 Piere 2:2, mpe zonzeleno tiyuvu eti:
-
Wamana tangaka Bibila lumbu basiri lumbu, ngano mbo kwizi dia zolo mpe mbo kwizi dinga wavulu dia tangaka?
Taleno VIDEO mu zaba bwe bantu bakaka bayizi batikila mu zolo ntangulu ya Bibila. Ha manina zonzeleno biyuvu bita landa.
-
Mu video, ntia nkwamusu ntwenia zo zayizi telamana?
-
Ngano nti biababakisa mu lungisa kani diawu dia ntangulu ya Bibila?
-
Bwe bayizi tomesena ntangulu’awu ya Bibila?
Bitini bikubakisa mu batika:
-
Sola mbangululu ya Bibila ya môna mpe ya matieleka. Yêla Traduction du monde nouveau, tala ti mu zu diaku yena.
-
Toko tanga bikapu bi tomo zoloko. Mu baka mabanza, tala tablo ya “Batika ntangulu ya Bibila.”
-
Tsonekaka misamu mi tangaka. Sarila tablo ya mu mukanda wu, ya “Landa ntangulu’aku ya Bibila”.
-
Sarilaka JW Library®. Mu JW Library lendi tanga mpe lendi wâ Bibila, kuma ni kuma mu nzila ya telefone peleko ya appareil yakaka.
-
Sarila Appendices za Traduction du monde nouveau. Mu Appendices karte, tablo na lexique ze mo, zilendi tomesa ntangulu’aku ya Bibila.
5. Kubamaka mu bungu dia ndongokolo’aku ya Bibila
Tangeno Mikunga 119:34, mpe zonzeleno tiyuvu eti:
-
Mu bungu dia nti we musamu wa mbote mu sambilaka ntete ntangulu ya Bibila, peleko ntete wakubama mu bungu dia ndongokolo’aku ya Bibila?
Bwe lendi tomo bakila ndandu mu ndongokolo zazansoni za Bibila? Bu kubamaka mu bungu dia bimoko bia mukanda wu, yêlaka mpila ya sarila yita landa:
-
Tanga paragrafe za mbatukulu ya timoko.
-
Dinga mpe tanga verse, mpe yêla mu bakula bwe zita kwelana na musamu wuta longoka.
-
Tûla tidimbu ha misamu mia nguri mi hanaka mvutu ya muna tiyuvu; mbo wukubakisa mu zonzela timoko ti na mulongi’aku.
Ngano wa wazaba?
Mbangi za Yehova mbangululu za Bibila zazingi bayizi sarila. Kâ, yi tutomo zoloko ni La Bible. Traduction du monde nouveau mu bungu ti ya matieleka yena, ka yena mpasi ko mu bakula, mpe nkumbu ya Nzambi yisarilaka.—Tala mutu-diambu wa mu Internet wa “Ngano Mbangi za Yehova Bibila dia bawu beni die nawu?”
TALA TI BAKUTÊLELE: “Ndongokolo ya Bibila tisalu tia mpasi tiena. Ka ndiena na ntangu ko, mpe ka ndiena na ngolo ko.”
-
Ngano bwe ta banza?
MU BUKUFI
Mu tomo baka ndandu mu Bibila, kubikaka ntangu ya tangaka dio, sambilaka mu bakula mio mita tanga, mpe kubamaka mu bungu dia ndongokolo zaku za Bibila.
Biyuvu bia mbambukulu
-
Ngano nti bikubakisa mu tomo baka ndandu mu Bibila?
-
Bwe lendi bakila ntangu ya tangaka Bibila?
-
Mu bungu dia nti we musamu wa mbote mu kubamaka mu bungu dia ndongokolo zaku za Bibila?
ZABA BIAKAKA
Vutu taluzula mabanza malendi ku bakisa mu tomo bakila ndandu mu ntangulu’aku ya Bibila.
“Mpila yi lendi bakila ndandu mu ntangulu ya Bibila” (Nzo ya Zangama ya Munkengi No. 1 2017)
Longoka mpila zitatu za tangila Bibila.
“Bwe Bibila dilendi kumbakisila?—Lweka 1: Zaba Bibila diaku” (Mutu-diambu wa mu Internet)
Dzukula bwe lendi zololo ntangulu ya Bibila.
Baka malongi ma ndongokolo kwe bantu batangaka Bibila tûka ntama.
