TIMOKO 18
Bwe tulendi zabila Bakristo ba matieleka
Bantu babingi batâka ti Bakristo bêna. Kâ, ka bêna na nkwikulu zimosi ko, mpe ka balandaka misiku mimosi ko. Buna, bwe tulendi zabila Bakristo ba matieleka?
1. Ngano Mukristo wa matieleka ni nani?
Bakristo ba matieleka milongoki miena, peleko bantu balandaka tifwani tia Yezu Kristo. (Tanga Bisalu 11:26.) Ngano bwe basongelaka ti bawu milongoki mia Yezu miena? Yezu watâ ti: “Tala ti lutatamane mu zu diani, [buna] nkatika milongoki miani lwena.” (Za 8:31, NWT) Wuzololo tâ ti Bakristo ba matieleka bafweti tumamana ndongosolo za Yezu. Ntangu zazonsoni, Yezu misamu mi tâka Bibila keri longesaka; Bakristo ba matieleka mpe bafweti sikamasa nkwikulu zawu mu Bibila.—Tanga Like 24:27.
2. Bwe Bakristo ba matieleka basongelaka luzolo?
Yezu watâ kwe milongoki miandi: ‘Yendeno zolosono beno bansoni ntiana bu naluzololo.’ (Za 15:12) Bwe Yezu kasongela ti milongoki miandi mia keri zoloko? Yandi wayôkesa ntangu na bawu, wabatindisa mpe wababakisa. Yezu wahana mpe luzingu lwandi mu bungu dia bawu. (1 Za 3:16) Mpila mosi mpe Bakristo ba matieleka ka bafweti’â bazonzelaka kwa luzolo ko. Mu ndiatulu na mu nzonzolo basongelaka ti bazolosono bawu na bawu.
3. Ngano Bakristo ba matieleka ntia tisalu basalaka?
Yezu wahana tisalu kwe milongoki miandi. Yandi “wabatambika mu kwe samuna Timfumu tia Nzambi.” (Like 9:2, NWT) Bakristo ba ntete ka beri’â samunaka kwa mu mbuka za nsambululu ko, kâ mu mbuka zeri bantu babingi na mu nzo za bantu. (Tanga Bisalu 5:42; 17:17.) Bwawu bu mpe Bakristo ba matieleka, matieleka ma Bibila basamunaka mu mbuka ze bantu babingi. Bampwana’awu bazoloko, mpe mu nsayi basarilaka ntangu’awu na ngolo zawu mu samuna nsangu za Bibila za tivuvu na za lutindusu.—Marke 12:31.
YIKA NDILU
Tala bwe lendi swasikisa Bakristo ba matieleka na bantu balembo landaka ndongosolo na tifwani tia Yezu.
4. Matieleka ma Bibila badingaka
Bakristo ba ntete Zu dia Nzambi beri zoloko
Bantu bakaka batâka ti Bakristo bêna, ka bamonaka ko ti musamu wa mfunu wena mu bakula matieleka ma Bibila peleko mu sarila mo. Taleno VIDEO, mpe zonzeleno tiyuvu tita landa.
-
Bwe mabundu makaka matâka ti ma bukristo mena malembana mu longesa misamu mia longesa Yezu?
Yezu walongesa matieleka ma Zu dia Nzambi. Tangeno Za 18:37, mpe zonzeleno tiyuvu eti:
-
Mu mabanza ma Yezu, bwe tulendi zabila Bakristo bê “ku lweka lwa matieleka”?
5. Matieleka ma Bibila basamunaka
Bakristo ba ntete samuna beri samunaka
Ntete kenda ku zulu, Yezu wahana kwe milongoki miandi tisalu tita tatamana bwawu bu. Tangeno Matie 28:19, 20 na Bisalu 1:8, mpe zonzeleno tiyuvu eti:
-
Ngano ntangu zikwa, mpe kwe tisalu tia samuna tisalamana?
6. Misamu mi basamunaka basarilaka
Nti biahana lukwikulu kwe bakala dimosi di batêle nkumbu Tom ti wadzukula bukristo bwa matieleka? Taleno VIDEO, mpe zonzeleno biyuvu bita landa.
-
Mu video, nti biasa ti Tom kaduka mu dibundu?
-
Mu bungu dia nti kabâ na lukwikulu ti wadzukula matieleka?
Nsalulu zonza kwingi zizonzaka yôka nzonzolo. Tangeno Matie 7:21, mpe zonzeleno tiyuvu eti:
-
Ngano nti biyôkele mfunu kwe Yezu—mio mi tukwikilaka peleko mio mi tusongelaka mu nsalulu zeto?
7. Zolosono bazolosonoko bawu na bawu
Bakristo ba ntete zolosono beri zolosonoko
Ngano Bakristo ba matieleka luzingu lwawu batambulaka mu tûla mu mpasi mu bungu dia Bakristo bakaka? Taleno VIDEO, mpe zonzeleno biyuvu bita landa.
-
Mu video, nti biatuma Lloyd mu tambula mu tûla luzingu lwandi mu mpasi mu bungu dia mpangi Johansson?
-
Mu nge, ngano ntiana nkatika Mukristo kasarila?
Tangeno Za 13:34, 35, mpe zonzeleno biyuvu ebi:
-
Bwe milongoki mia Yezu mieri bongelaka bantu ba mawa makaka peleko makanda makaka?
-
Bwe bafweti saka mu ntangu ya muzingu?
TALA TI BAKUTÊLELE: “Bakristo misamu mia mbi bayirika—buna bwe balendi bêla dibundu dia matieleka?”
-
Ntia verse lendi tangila muntu, zisongelaka bwe tulendi zabila Bakristo ba matieleka?
MU BUKUFI
Bakristo ba matieleka ndongosolo za Bibila balandaka, luzolo basongelaka, mpe matieleka ma Bibila basamunaka.
Biyuvu bia mbambukulu
-
Ngano Bakristo ba matieleka mwe basikamasaka nkwikulu zawu?
-
Ntia tifu bazabilaka Bakristo ba matieleka?
-
Ngano ntia tisalu Bakristo ba matieleka basalaka?
ZABA BIAKAKA
Tomo zaba tikunku tia bantu basarilaka ngolo mu landa tifwani na ndongosolo za Yezu.
Tala nti biabakisa “Ma sœur” yimosi mu dzukula “kanda dia timpeve.”
“Basarila Bibila mu hana mvutu mu biyuvu biabiansoni!” (Nzo ya Zangama ya Munkengi, 1er avril 2014)
Longoka bwe Bakristo ba matieleka basongelaka luzolo lwawu kwe bisari bia kwikama bie na nsatu lubakusu.
Taluzula bwe bô bata landa Yezu mu matieleka lumbu ti bayirikilaka misamu mimosi na Bakristo ba ntete.
“Bwe bazabilaka Bakristo ba matieleka?” (Nzo ya Zangama ya Munkengi, 1er mars 2012)
Dzukula mpe...
BIYUVU BI VULU YULAKA BANTU
Ngano ndongokolo ya Bibila yi saka Mbangi za Yehova bwe yiyôkelaka?
Mu ndongokolo ya Bibila yi saka Mbangi za Yehova, lendi sarila mbangululu ni mbangululu ya Bibila. Kutinandi mu tikisa bantu ba kanda diaku peleko ndiku zaku ku ndongokolo’aku.
