TIMOKO 27
Bwe lufwa lwa Yezu lulendi tu vukisila?
Masumu me neto, mpasi tumonaka, mpe fwa tufwaka mu bungu ti bantu ba ntete, Adame na Eva, bakolama kwe Nzambi. a Kâ, tivuvu tie neto. Yehova watuhana mpila yi tulendi kûluka mu ndoko ya masumu na ya lufwa mu nzila ya Mwana’andi, Yezu Kristo. Bibila mbo dilongesaka ti mu lufwa lwandi, Yezu wahana nkûlulu. Nkûlulu ntalu yena yi bafutaka mu kûla muntu. Ntalu yafuta Yezu, ni luzingu lwandi lwa lunga. (Tanga Matie 20:28.) Bu katambula mu hombesa nswa’andi wa luzingu lwa mankululu ha mutoto, Yezu watuziburila nzila ya vutu baka bima bia hombesa Adame na Eva. Yezu mpe wasongela bwe yandi na Yehova batomo tu zololoko. Timoko ti mbo tikubakisa mu tomo tondaka mu bungu dia lufwa lwa Yezu.
1. Bwe tulendi bakila ndandu mu lufwa lwa Yezu lumbu ti?
Mu bungu ti bankwa masumu twena, bima biabingi tusaka bilembo yangirikaka Yehova. Kâ, tala ti tutomono nionga mu bungu dia masumu meto, mpe tulombele kwe Yehova katulemvokela mu nzila ya Yezu, mpe tala ti tusiri mio mifwanakane mu lembo vutu kârila musamu wo wa mbi, tulendi kwizi bâ na tindiku tia mbote na Nzambi. (1 Za 2:1) Bibila ditêle ti: “Kristo wafwa mbala mosi mu bungu dia masumu, yandi wa sungama, mu bungu dia bô balembolo ba sungama, ngatu kalunata kwe Nzambi.”—1 Piere 3:18, NWT.
2. Mu bilumbu bita kwiza, bwe tulendi bakila ndandu mu lufwa lwa Yezu?
Yehova watambika Yezu mu hana luzingu lwandi lwa tinsuni lwa lunga “ngatu bô babansoni basarilaka timinu mu yandi ka bafukandi, kâ babaka luzingu lwa mankululu.” (Za 3:16) Mu nzila ya mio mia yirika Yezu, ntamana Yehova mbo kakatula misamu miamiansoni mia mbi mia tulumuna bukolo bwa Satana. Wuzololo tâ ti, tamana sarila timinu mu mukayulu wa Yezu, mbo tubâ na bweso bwa bâ mu nsayi ntangu zazansoni ku Paradi ha mutoto!—Izaya 65:21-23.
YIKA NDILU
Tomo bakula mu bungu dia nti Yezu kahanina luzingu lwandi mpe tala ntia ndandu baka.
3. Lufwa lwa Yezu lwatukûla mu masumu na mu lufwa
Taleno VIDEO, mpe zonzeleno tiyuvu tita landa.
-
Ntia bweso Adame kahombesa bu kakolama kwe Nzambi?
Tangeno Bisi-Rome 5:12, mpe zonzeleno tiyuvu eti:
-
Bwe masumu ma Adame masobesela luzingu lwaku?
Tangeno Za 3:16, mpe zonzeleno tiyuvu eti:
-
Mu bungu dia nti Yehova katambikila Yezu ha mutoto?
-
Adame muntu wa lunga weri wakolama kwe Nzambi mpe wakotesa bantu mu masumu na mu lufwa
-
Yezu muntu wa lunga weri watumama kwe Nzambi mpe wahana bantu bweso bwa zinga ntangu zazansoni
4. Bantu babansoni balendi bakila ndandu mu lufwa lwa Yezu
Taleno VIDEO, mpe zonzeleno tiyuvu tita landa.
-
Bwe bantu babansoni balendi bakila ndandu mu lufwa lwa muntu wumosi?
Tangeno 1 Timote 2:5, 6, mpe zonzeleno tiyuvu eti:
-
Adame weri muntu wa lunga, kâ mu bungu ti wasumuka, bantu babansoni mbo basumukaka mpe mbo bafwaka. Yezu mpe weri muntu wa lunga. Bwe kahanina “nkûlulu ya delakana”?
5. Nkûlulu kabu diena dia Nzambi mu bungu dia nge
Ndiku za Yehova mbo zibongelaka nkûlulu ntiana kabu diawu. Mu tifwani, tangeno Bisi-Ngalate 2:20, mpe zonzeleno tiyuvu eti:
-
Bwe ntumwa Paulo kasongela ti mbo keri bongelaka nkûlulu ntiana kabu di bamuhana?
Adame bu kasumuka, yandi na bala bandi babansoni bayizi bazengela lufwa. Kâ Yehova watambika Mwana’andi ngatu tabâ na bweso bwa zinga ntangu zazansoni.
Bu takwe tangi verse zita landa, banza’eti bwe Yehova kamona mu ntangu Mwana’andi weri monaka mpasi. Tangeno Za 19:1-7, 16-18, mpe zonzeleno tiyuvu eti:
-
Bwe monaka ku mutima mu mio mia yirika Yehova na Yezu mu bungu dia nge?
TALA TI BAKUYURIRI: “Bwe muntu wumosi wulendi fwila mu bungu dia bantu babansoni?”
-
Ntia mvutu lendi hana?
MU BUKUFI
Mu bungu ti Yezu wafwa, Yehova lendi lemvokela masumu meto, mpe tulendi zinga ntangu zazansoni.
Biyuvu bia mbambukulu
-
Mu bungu dia nti Yezu kafwila?
-
Bwe Yezu kahanina nkûlulu ya delakana?
-
Bwe lendi bakila ndandu mu lufwa lwa Yezu?
ZABA BIAKAKA
Zaba mu bungu dia nti luzingu lwa lunga lwa Yezu batâka lo nkûlulu.
“Bwe mukayulu wa Yezu ye ‘nkûlulu mu bungu dia bantu babingi?” (Mutu-diambu wa mu Internet)
Zaba nti fweti sa mu kûluka mu masumu na mu lufwa.
Ngano Yehova lendi lemvokela masumu ma manene?
“Biyuvu bitariri Bibila” (Nzo ya Zangama ya Munkengi, 1er mai 2013)
Tala bwe luzabu lwa mukayulu wa Kristo lwabakisila bakala dimosi diasobesela timuntu tiandi.
“Ka nasala ngamba ya miangu ko” (Mutu-diambu wa mu Internet)
a Masumu ka mena kwa nsalulu za mbi ko. Masumu mpe, ni luzingu lwa mbi lu tabiarila.
Dzukula mpe...
BIYUVU BI VULU YULAKA BANTU
Ngano ndongokolo ya Bibila yi saka Mbangi za Yehova bwe yiyôkelaka?
Mu ndongokolo ya Bibila yi saka Mbangi za Yehova, lendi sarila mbangululu ni mbangululu ya Bibila. Kutinandi mu tikisa bantu ba kanda diaku peleko ndiku zaku ku ndongokolo’aku.
