TIMOKO 38
Tondaka mu bungu dia kabu dia luzingu
Luzingu lulendi fuluka mu misamu mia mbote. Ni bu sa ti misamu mie neto, tulendi mona nsayi mu misamu miakaka. Bwe tulendi songela ti mbo tutondaka mu bungu dia luzingu? Mu bungu dia ntia musamu wuyôkele mfunu tufweti bwa sila?
1. Mu bungu dia nti tufweti tondaka mu bungu dia luzingu?
Tufweti tondaka mu bungu dia luzingu mu bungu ti kabu diena dia Yehova. Yandi ni “titeko tia luzingu”—ni Yandi wasala luzingu. (Mikunga 36:9) “Ni Yandi hanaka luzingu kwe bantu babansoni, na tihumunu na bima biabiansoni.” (Bisalu 17:25, 28, NWT) Yehova tu hanaka bio bie neto nsatu mu bâ ba moyo. Kâ, tima tiyôkele, luzingu lweto kakengerelaka mu mpila yi tulendi lwa mwina nsayi.—Tanga Bisalu 14:17.
2. Bwe tulendi songela kwe Yehova ti mbo tudondaka mu bungu dia kabu dia luzingu?
Nguri’aku bu kabâ na zimi dia nge, Yehova nge keri kipaka. Mu lusambulu lumosi lwa tsonekesa Yehova mu Zu diandi, tisari timosi tiamutêla ti: “Meso maku makumona bu ndieri kwa menga mu moyo wa nguri’ani.” (Mikunga 139:16) Yehova luzingu lwaku ntalu kahanaka lo. (Tanga Matie 10:29-31.) Muntu wutihondaka peleko wuhondaka muntu wakaka, Yehova wutomo fwemesaka. a (Ndukulu 20:13) Bu tutûlaka luzingu lweto mu mpasi, mu buzoba, peleko bu tulembo kengerelaka luzingu lwa bantu bakaka, Yehova tutomo fwemesaka. Bu tukipaka luzingu lweto mpe bu tuzitisaka luzingu lwa bantu bakaka, mbo tusongelaka ti mbo tutondaka mu bungu dia kabu dia nzitukulu dia luzingu.
YIKA NDILU
Taluzula mpila zi lendi songela ti tonda tondaka mu bungu dia kabu dia luzingu.
3. Kipa tikolela tiaku
Bakristo luzingu lwawu basarilaka mu kunda Yehova. Buna, ntiana bawu bahanaka nitu zawu mu mukayulu kwe Nzambi. Tangeno Bisi-Rome 12:1, 2, mpe zonzeleno biyuvu ebi:
-
Nti bikutumaka mu kipa tikola tiaku?
-
Bwe lendi bwa sila?
4. Saka keba mu lembo lwala na mu lembo fwa
Bibila mbo ditulombaka mu dioka nsalulu zikotesaka luzingu mu mpasi. Taleno VIDEO mu longoka nti lendi sa mu tikengerela.
Tangeno Bingana 22:3, mpe zonzeleno bwe nge na bantu bakaka lulendi tikengerela . . .
-
ku nzo’aku.
-
ku tisalu tiaku.
-
bu saka sport.
-
bu nataka peleko bu bakunataka mu kaminio.
5. Zitisa luzingu lwa mwana we mu zimi
Davide watâ ti Yehova mwana wuta kula mu zimi katomo kipaka. Tangeno Mikunga 139:13-17, mpe zonzeleno tiyuvu eti:
-
Ha meso ma Yehova, luzingu lwa muntu mu zimi lubatikilaka peleko ha mbutukulu?
Misiku mia hana Yehova ku Israele ya ntama, nguri mieri kengerelaka na bala bawu beri mu zimi. Tangeno Ndukulu 21:22, 23, mpe zonzeleno biyuvu ebi:
-
Bwe keri bongeleka muntu weri sukisaka luzingu lwa mwana weri mu zimi, kâ walembo wa waya?
-
Bwe kabongelaka muntu wuweyi mu sarila bo? b
-
Bwe ta banza mu mpila yi bongelaka Nzambi misamu?
Mukento wuzebi ti luzingu ntalu lwena wulendi banza ti wufweti katula zimi. Tangeno Izaya 41:10, mpe zonzeleno biyuvu ebi:
-
Tala ti mukento basiri wo tiya mu katula zimi, kwe nani kafweti bakila lubakusu? Mu bungu dia nti?
TALA TI BAKUTÊLE: “Mukento nswa we nandi wa katula zimi peleko kâni—nitu’andi yena.”
-
Nti bikuhanaka lukwikulu ti luzingu lwa nguri na lwa mwana we mu zimi ntalu lwena kwe Yehova?
MU BUKUFI
Bibila ditulongese mu zolo, mu zitisaka na mu kengerelaka kabu dia Yehova dia luzingu. Wuzololo tâ luzingu lweto na lwa bantu bakaka.
Biyuvu bia mbambukulu
-
Mu bungu dia nti luzingu lwa muntu lwe ntalu kwe Yehova?
-
Bwe Yehova kamwinaka muntu wuwayaka mu sukisa luzingu lwa muntu?
-
Mu bungu dia nti tondaka mu bungu dia kabu dia luzingu?
ZABA BIAKAKA
Bwe tulendi tonda Yehova mu bungu dia kabu dia luizngu?
Zaba mvutu ya tiyuvu tia: Ngano Nzambi mbo kalemvokela mukento wakatula zimi?
“Bwe Bibila ditâka mu bungu dia katula kwa zimi?” (Mutu-diambu wa mu Internet)
Longoka bwe mabanza ma Nzambi mafweti sobesela nsololo’eto ya nsaka.
“Sport za ngolo—Fweti tûla luzingu lwaku mu mpasi?” (Réveilez-vous!, 8 octobre 2000)
Mbo tala ti muntu mabanza ma tihonda me nandi.
a Yehova bantu bê na mitima mia lwala katomo belokelaka lwaka. (Mikunga 34:18) Mpasi zawu za ku mutima, zilendi ba natina mabanza ma tihonda, kabakulaka mpe zololo kababakisa. Mu mona bwe lubakusu lwandi lulendi sobesela misamu, tanga mutu-diambu wa “Nzololo nafwa—Bibila dilendi kumbakisa bu nibâka na mabanza ma tihonda?” mu lweka lwa Zaba biakaka mu timoko ti.
b Bô bakatula mazimi ka bafweti’â batilanda mambu ko, mu bungu ti Yehova lendi ba lemvokela. Mu baka nsangu zakaka, tala mutu-diambu wa “Bwe Bibila ditâka mu bungu dia katula kwa zimi?” mu lweka lwa Zaba biakaka mu timoko ti.
Dzukula mpe...
BIYUVU BI VULU YULAKA BANTU
Ngano ndongokolo ya Bibila yi saka Mbangi za Yehova bwe yiyôkelaka?
Mu ndongokolo ya Bibila yi saka Mbangi za Yehova, lendi sarila mbangululu ni mbangululu ya Bibila. Kutinandi mu tikisa bantu ba kanda diaku peleko ndiku zaku ku ndongokolo’aku.
