Kimfumu kia Nzàmbi kiena luyalu lumoshi lwa ku mazulu. Mbo tsiyingasa bimfumu biakaka biabiansoni, mpe mbo tsisa ti luzolo lwa Nzàmbi lwayilama ku zulu na ha m’toto. Nsangu za Kimfumu kia Nzàmbi za mbote zena. Ntamana, Kimfumu kia Nzàmbi mbo tsilungisa nsatu yô ye na bantu mu ba na luyalu lwa mbote. Mbo tiwisa bantu babanso ha zulu m’toto.​—Tanga Daniel 2:44; Matie 6:9, 10; 24:14.

Kimfumu kifweti ba na mfumu. Yehova wa bieka mwana’andi, Yezu Kristo, mu ba mfumu mu Kimfumu tsiandi.​—Tanga Nzabukusu 11:15.

Tala video Ngano Timfumu tia Nzambi ni nti?

Ni Yezu fwanakane mu ba mfumu mu bungu ti yandi wena muntu wambote, mpe m’samu miambote na mbote kwa kayirikaka. (Za 1:14) Wena mpe na ngolo zifwanakane mu bakisa bantu mu bungu ti mbo katuma m’toto tuka ku mazulu. Mbo bamufulukishi mu mafwa ha manima, Yezu wanaka ku zulu mpe wazakala mu kela ha lweka lwa lubakala lwa Yehova. (Bahebre 10:12, 13) Ntangu mbo yifweni, Nzàmbi ni bukamuhana lutumu ngati kabatika mu yala.​—Tanga Daniel 7:13, 14.

Yezu na tsimvuka tsimoshi tsia bantu babataka nkumbu “bantu baverela” katuma na bo ku zulu. (Daniel 7:27) Bantete basolo ni bantumwa bakwikama ba Yezu. Tii mu ntangu ya beto Yehova tatamane mu sola babakala na bakento bakwikama mu bayika ha mulonga wa bantu baverela. Ntsiana Yezu, Mu nitu ya tsimpeve bafulukilaka.​—Tanga Za 14:1-3; 1 Bisi-Korente 15:42-44.

 Bantu bakwa ba kwenda ku zulu e? Yezu wabata nkumbu “Tsimvuka tsia fioti.” (Like 12:32) 144 000 lukonti lwawu luba. Mbo batuma m’toto hatsimoshi na Yezu.​—Tanga Nzabukusu 14:1.

Kimfumu kia Nzàmbi mu 1914 * tiabatika mu tuma. Diambu diantete Yezu diaka sa mbo kabatika mu yala ni mu losa satana na bademo bandi ha m’toto. (Nzabukusu 12:7-10, 12) Satana wayika na nkeshi zazingi mpe wabatika mu dukisa mpashi ha m’toto. Tuka buna mpashi za bantu ni funa kwa zishimbiri. Mizingu, mundiala, bubelo, ndikutulu za m’toto, miamiansoni mio miena mu kati dia “tsidimbu” ti tasongesa ti ntamana Kimfumu kia Nzàmbi mbo tsikipa m’samu miamiansoni mia ha m’toto.​—Tanga Like 21:7, 10, 11, 31.

Mu ndila ya salu tsia samuna tsitasalama ha m’toto wam’kaka, Kimfumu kia Nzàmbi nzanda bantu batukiri mu makanda mamansoni tsitavukasa mu tsiwisa. Zimiliyo za bantu bakuluka mbo baba mu mulonga wa bô Yezu bakayala. Kimfumu kia Nzàmbi mbo tsibatanina mu ntangu yatsikwizi honda nza yi ya mbi. Bô bazololo mu baka mambote manata Kimfumu kia Nzàmbi bafweti longoka mu tumamana Yezu.​—Tanga Nzabukusu 7:9, 14, 16, 17.

Mu bujingi bwa mvula 1 000, Kimfumu kia Nzàmbi mbo tilungisa luzolo lweri na Nzàmbi ha mbatukulu mu bungu dia bantu. M’toto wawansoni mbo wuba paradi. Ku mansukina, Yezu mbo kakarisa Kimfumu kwe tatandi. (1 Bisi-Korente 15:24-26) Muntu zebi wûlenda zonzela m’samu mia Kimfumu kia Nzàmbi e?​—Tanga Mikunga 37:10, 11, 29.