NDONGOSOLO 13
Tomo songela mfunu ya ndongosolo
Bingana 3:21
MU BUKUFI: Bakisa bantu bata ku wâ mu bakula bwe diambu diaku dita tarila luzingu lwawu; mpe ba songela bwe balendi sarila mio mi bata longoka.
MPILA YA SARILA:
-
Banza bantu bata ku wâ. Dimbitila mu bungu dia nti bantu bata ku wâ bê na nsatu mu wâ nsangu zita ba têla; mpe taluzula ntia lweka lwa mutu-diambu lwe nkatika salu kwe bawu.
-
Bu ta kwe se tinzonzi tiaku, songela kwe bantu bata ku wâ nti bafweti sa. Ha mbatukulu muna muntu wuta ku wâ wufweti banza: ‘Musamu wu me wuta tarila.’ Bu kwe zonzele mabanza ma nguri, songela bwe basarilaka mo. Zonzela kwa mabanza ma mfunu.
