Verse yo yita nata tiyuvu tio yitêle: “Tala ti mu tizunga tiaku mweni ti mputu bata safula mpe bunsungu na buderede bata vweza, kuyitukuandi. Mu bungu ti, mfumu ya yinene, mfumu ye kô yimuyôkele bunene yimutalaka; mpe ba bole, mfumu ze kô zibayôkele mu bunene.”​—Ekl. 5:8.

Mu mabanza ma bantu, verse yi bantu bê na timfumu mu guvernema yizonzelaka. Kâ, mbo yitulongesaka mpe matieleka mu Yehova; matieleka mo malendi tu tindisa mpe malendi tu hana lukwikulu.

Ekleziaste 5:8 mfumu yisafulaka bamputu na yivwezaka buderede yizonzelaka. Mfumu yo yifweti bambukaka ti kampe mfumu ye kô yimuyôkele yimutalaka peleko muntu we na timfumu tiyôkele tia yandi. Bu tutomo tala, kulendi bâ bantu bakaka bê na timfumu tiyôkele. Kâ musamu wa tiari ni wena’eti, mu guvernema za bantu, mfumu zo zazansoni zilendi bâ mbaki mu misamu miamingi.

Ni bu sa ti, misamu ka mita tomo toma ko, tulendi bâ na lukwikulu ti Yehova ‘mfumu zo za zinene za’ mu guvernema za bantu za katalaka. Tulendi tâ Nzambi mbila mu mu hana madema meto. (Mik. 55:22; Flp. 4:6, 7) Tuzebi ti “meso ma Yehova mutoto wawansoni mataluzulaka, mu songela ngolo zandi mu bungu dia bantu bê na mutima wa lunga mu yandi.”​—2 Nta. 16:9.

Dieka bo, Ekleziaste 5:8 mbo yitubambulaka ti mu guvernema za bantu, ntangu zazansoni, mwe na muntu wuyôkele mu timfumu. Musamu wuyôkele mfunu, verse yo yilendi tu bakisa mu dimbitila ti Yehova ni Yandi yôkele, we na lutumu lwatomo zangama. Bwawu bu mu nzila ya Mwana’andi Yezu Kristo kata twarisila, we Mutinu wa Timfumu tia Nzambi. Nkwa-Ngolo-Zazansoni, taluzulaka miamiansoni, buderede na bunsungu bwe nandi, Mwana’andi mpe.