MALONGI MU BUNGU DIA NDONGOKOLO

Sa dessin mu bâ na lenda dia bambukila misamu

Kampe, ntiana bantu babingi ha kati dieto musamu wa mpasi wena kwe nge mu bambukila misamu mi longokaka. Kâ ka wena musamu wa mpasi ko mu bambukila misamu miamingi mu mio mia tu longesa Yezu mu bungu ti bifwani keri vulu sarilaka. Lendi banza bifwani bio ngatu bia kubakisa mu bambukila misamu mio. Mpila mosi mpe lendi tomo bambukila misamu mita longoka bu yêla mu banza misamu buna bu miayôkela. Bwe lendi bwa sila? Sa dessin ya misamu mita longoka.

Bantu basaka dessin mu misamu mia môna mi balongokaka, mia bavulu tomo bambukilaka moyo. Tifu tia saka dessin mbo tibabakisaka mu tomo bakula ntelo, mabanza, mpe na misamu mia nguri mi balongokaka. Dessin zango ka zena mpasi ko mu sa. Dessin mbo zitomo bakisaka bantu ba nuna mu bambukila misamu mi balongokaka.

Lumbu tiakaka ti longoka, lendi yêla mu sa dessin ya misamu mi longoka. Mbo tomo yituku mu mpila yi bambukila misamu mi longoka!