Ngano na bunsungu bwabwansoni watengi bimoko bia Nzo ya Zangama ya Munkengi bia muvu wu? Tala ti ni bo, hanina biyuvu ebi mvutu:

Ngano ‘tomesa mbanzulu’ bwe wuta zolo tâ? (Rom. 12:2)

Ka wuzololo’â tâ ko ti tufweti sa kwa mwa nsobolo za mbote mu luzingu lweto. Wuzololo tâ ti tufweti taluzula timuntu tieto tia kati, mpe tufweti sa nsobolo zifwanane mu tomo delakasa luzingu lweto na mitieno mia Nzambi.—w23.01, bin. 8-9.

Bwe tulendi songela ti mabanza ma delakana me neto bu tukwe taluzuri misamu mia nza?

Mbo tuzoloko mu taluzula ka bwe misamu mia nza mia lumbu ti milungisilaka mbikululu za Bibila. Kani tazonzela mabanza ma beto beni malendi bebesa bumosi bweto, bubote bwena mu sikamana mu misamu mi tâka organizasio ya Yehova bu tuzonzaka na bampwana’eto. (1 Kor. 1:10)—w23.02, tin. 16.

Bwe bateme ya Yezu na ya milongoki miandi ziswaswane?

Mu bungu ti mu kanda diatihana kwe Yehova kabutukila, Yezu keri’â na nsatu ko ya tihana kwe Yehova ntiana bu tusaka. Yezu wa lunga weri, keri’â na masumu ko. Keri’â na nsatu ko kasoba mabanza mu bungu dia masumu ma kayirika.—w23.03, tin. 5.

Bwe tulendi bakisila bantu bakaka mu hana mvutu ku tukutakanu?

Tulendi hana mvutu za nkufi, ngatu bantu bakaka bahana mvutu. Tulendi mpe saka keba mu zonzelaka mabanza mamingi. Buna, bakaka mbo babâ na mabanza ma balendi zonzela.—w23.04, tin. 23.

‘Nzila ya busantu’ yi bazonzelaka mu Izaya 35:8 nti yimonekesaka?

Nzila yo ya yinene ya tifwani mbo yeri toko monekesaka nzila ya tifwani yanata Bayuda ku Israele bu bakatuka ku Babilone. Bwe tuta mu ntangu yi ya beto? Mbandu zazingi ntete 1919, tisalu tia mfunu tiayizi salama mu kubika ‘Nzila ya busantu’—mbangululu na dukisa kwa Mabibila, na bima biakaka. Kanda dia Nzambi mbo dita sila nzietolo mu ‘Nzila ya busantu’ yinataka ku Paradi ya timpeve yisa ti tabaka tusakumunu twa Timfumu tia Nzambi.—w23.05, bin. 15-19.

Ngano tikapu 9 tia Bingana ntia malongi tihanaka mu bifwani bia bakento bole?

Buku dia Bingana mbo dizonzelaka ‘mukento wa tizoba’ mpe mbila’andi mbo yinataka ku ‘ndiamu’; na “ndwenga za matieleka” zi bafwanakasa na mukento, mpe mbila’andi mbo yinataka mu ‘nzila ya mayela’ na ku luzingu. (Bin. 9:​1, 6, 13, 18)—w23.06, bin. 22-24.

Bwe tifu tia kuluka tia Yehova na tifu tiandi tia bâ na mabanza ma delakana bia monekena mu mpila yi kabongela Lote?

Yehova walwengesa Lote mu dioka ku miongo. Lote bu kalomba mu swamina ku Zoare, Nzambi watambula ndombolo‘andi.—w23.07, tin. 21.

Ngano mukento nti wulendi sa tala ti bakala diandi porno ditalaka?

Fweti bambuka ti ka fweti’â katisemba ko. Fweti tûla mabanza mandi mu tindiku tiandi na Yehova na mu dimbitilaka mu binsamu bia Bibila bia bakento beri mu tiari bayizi baka lutindusu kwe Yehova. Lendi bakisa bakala diandi mu lembo yirika misamu mia minene.—w23.08, bin. 14-17.

Bwe ndwenga za swasikisa zilendi tu bakisila mu bâ ba lembama, bu batsâlaka nkwikulu zeto?

Tulendi bongela tiyuvu ntiana mpila yilendi tu bakisa mu zaba misamu mi banzaka muntu wo peleko mi katomo kipaka. Buna, mbo tubâ na lenda dia hana mvutu ya lembama.—w23.09, tin. 17.

Nti tulendi longoka mu tifwani tia Mariya mu mpila ya bakila ngolo?

Bu kawâ ti nguri ya Masiya kaketi kwizi bâ, Mariya walomba lubakusu kwe bantu bakaka. Gabriele na Elizabete bahana lutindusu lwatûka mu Zu dia Nzambi kwe Mariya. Beto mpe tulendi baka ngolo kwe mpangi zakaka.—w23.10, tin. 15.

Bwe Yehova kalendi hanina mvutu mu tusambulu tweto?

Tu kanisini ti mbo kawirikila tusambulu tweto, mpe mbo katalaka ka bwe tukwelane na kani diandi. (Yer. 29:12) Lendi hana mvutu mu ndombolo zidelakane mu mpila za swaswana, kâ ntangu zazansoni mbo katubakisa.—w23.11, bin. 21-22.

Bisi-Rome 5:2 mbo yizonzelaka “tivuvu,” buna mu bungu dia nti yivutu tia zonzelaka mu verse 4?

Muntu bu wuwâka nsangu za mbote, lendi kwizi bâ na tivuvu tia bâ mu nsayi ku Paradi ha mutoto. Kâ, bu katelamana misamu mia mpasi, bu kakorela mio, mpe kamona ti Nzambi yandi kata tambula, tivuvu tiandi mbo tikwizi bâ ngolo, mpe mbo titomo mu tarila.—w23.12, bin. 12-13.