Mbo tusarilaka Yehova bu tubâka ku tukutakanu twa timvuka na twa tunene, kâ mpe bu tubâka beto kaka na mu kanda. Mabanza mata landa malendi ku bakisa mu ndongokolo ya nge beni peleko mu nsambululu ya kanda:

• Kubikaka tukutakanu twa timvuka. Lendi kârila mikunga mi batanga, mpe lendi bakisa bantu ba mu kanda mu kubika mvutu.

• Tanga tinsamu tia Bibila. Ha manima sa dessin ya tinsamu ti tengi, peleko tsoneka misamu mi longokele.

• Tanga lusambulu lwe mu Bibila, mpe zonzela ka ntia mpila lulendi ku bakisila mu tomesa tusambulu twaku.

• Lendi tala video mu jw.org, mpe zonzela yo na bantu bakaka, peleko lendi tsoneka paragrafe yitariri video yo.

• Kubama mu bungu dia tisalu tia samuna, kampe mu kârila mpila yi lendi zonzela mu teritware.

• Lendi sungamana bima bia sala Nzambi, mpe dimbitila mu bima bio, peleko zonzela misamu mi bikulongesaka mu bungu dia Yehova. a