Mu yangirika Yehova tufweti bâ na timinu. Kâ Bibila ditêle ti “bantu babansoni ka bena na timinu ko.” (2 Tes. 3:​2, NWT) Ntumwa Paulo bu katâ misamu mio, “bantu ba miangu na bankwa-mbi,” keri zonzelaka beri mu kwamisaka. Kâ musamu wu katâ mu bungu dia timinu, bantu babansoni wuta tarila. Bantu bakaka ka bazololo’â ko mu tambula ti Nzambi ye kô ya yirika bima biabiansoni. (Rom. 1:20) Bantu bakaka balendi tâ ti mu tima peleko mu muntu we na ngolo bakwikilaka. Kâ ka tiena nkatika timinu ko.

Tufweti kwikila ti Yehova kô kena mpe bô bê na timinu tia ngolo mu Yandi kasendaka. (Ebr. 11:6) Mu kurisa timinu tia mpila yo, mpeve santu ya Nzambi ye neto nsatu. Mpe, mu baka mpeve santu tufweti ya lomba kwe Yehova mu lusambulu. (Like 11:​9, 10, 13) Mpila yakaka ya mfunu ya baka mpeve santu ni mu tanga Zu dia Nzambi diatsonama mu ngolo za mpeve santu. Ha manima tudimbitiri mu mio mi tutengi mpe tudingiri mu sarila mio mi tulongokele. Mpeve santu ya Yehova yilendi nata nsobolo mu luzingu lweto mpe yilendi tu bakisa mu bâ na timinu timuyangirika.