Bantu bakaka batanga tinsamu tio mu ntinu bayizi yula tiyuvu tio. Kâ, verse zo mbo zizonzelaka bantu bole beri na nkumbu Mefibosete, mpe tulendi baka malongi tamana taluzula misamu miayôka.

Sawule, mutinu wa ku Israele, bala ba babakala ba 7 beri nandi na bole ba bakento. Yonatane weri mwana wa ntete wa Sawule. Ha manima, mutinu wayizi buta mwana wa bakala na makangu mandi Rizipa, weri na nkumbu Mefibosete. Kâ, Yonatane mpe mwana weri nandi wu beri tâka Mefibosete. Buna, mutinu Sawule mwana weri nandi na mutekolo beri na nkumbu Mefibosete.

Ntangu yeri kô Sawule yi kabalukila Bisi-Ngibeo, mpe yi kadinga mu ba fukisa babansoni. Kampe, Bisi-Ngibeo babingi bahonda. Musamu wo, diangana, wa mbi weri. Mu bungu dia nti? Mu bungu ti mu ntangu ya Yoswa, mfumu za bala ba Israele luwawanu lwa tidzunu basa na Bisi-Ngibeo.​—Yos. 9:3-27.

Luwawanu lo kô kwa lweri mu ntangu yeri yâlaka mutinu Sawule. Mutinu wadiata luwawanu lo, mpe wayêla mu zimbakasa Bisi-Ngibeo. Nzengolo yo yasa ti ‘nzo ya Sawule’ yabâ ‘nzo ya menga.’ (2 Sam. 21:1) Ha manima, Davide wayizi bâ mutinu. Bisi-Ngibeo bavuka, bamuzonzela musamu wo wa mbi. Davide wabayula ka nti kafweti sa mu zibika kondo kwa buderede kwa sarila Sawule ngatu Yehova kasakumuna nsi’awu. Kani balomba mbongo, Bisi-Ngibeo balomba bala ba 7 ba muntu wayêla mu ba fukisa ngatu babahonda. (Lut. 35:30, 31) Davide watambula ndombolo’awu.​—2 Sam. 21:2-6.

Mu ntangu yîna, Sawule na Yonatane batifwila ku muzingu, kâ Mefibosete mwana wa Yonatane wa moyo weri. Tifuma tieri nandi mu bungu dia accident yi kasa bu keri wa fioti, mpe ka bâ ku lweka lwa nkaka’andi ko mu ntangu yi beri hondaka Bisi-Ngibeo. Davide luwawanu lwa tindiku kasa na Yonatane, lweri tarilaka bala ba Yonatane, mu kati na Mefibosete mpe. (1 Sam. 18:1; 20:42) Tinsamu tio mbo titâka ti: “Mutinu wafwila Mefibosete tiari, mwana Yonatane, mwana Sawule mu bungu dia ndefi ya dia Davide na Yonatane ha meso ma Yehova.”​—2 Sam. 21:7, NWT.

Kâ, Davide walungisa ndombolo ya Bisi-Ngibeo. Wabahana bala bole ba babakala ba Sawule, wumosi weri na nkumbu Mefibosete, na batekolo bandi ba 5 ba babakala. (2 Sam. 21:8, 9) Nsalulu yo ya Davide yasa ti nsi’awu yafuta mambu ma banata.

Tulendi baka malongi mu tinsamu tio. Musiku wa Nzambi wa nguria wa zabakana weri. Mbo weri tâka ti: ‘Bala ka babahondandi mu bungu dia batata bawu.’ (Lub. 24:16) Yehova ka keti’â tambula misamu mi bayirika kwe bala ba bole ba Sawule ko na kwe batekolo bandi ba 5 tala ti ka bayirika musamu ko. Musiku wo mbo wuvutu tâka ti: ‘Muntu mu bungu dia disumu diandi kwa kafweti fwila.’ Kampe bantu ba 7 ba bahonda, ba mu kanda dia Sawule, musamu bayirika mu singasa nzengolo ya Sawule yatarila mfukulu ya Bisi-Ngibeo. Buna, ba 7 bafuta mu bungu dia mbi’awu.

Tinsamu tio mbo tita songela ti muntu ka wulendi’â wabaka mulemvo ko tala ti benzi peleko têle ti musamu wa mbi wu kayirikiri tuma kwa bamutumini wo. Tingana timosi tia ndwenga titâka ti: ‘Lengesa nzila ya malu maku, mpe nzila zaku zazansoni mbo zibâ za sungama.’​—Bin. 4:24-27; Efz. 5:15.