Ngano na bunsungu bwabwansoni watengi bimoko bia Nzo ya Zangama ya Munkengi bia muvu wu? Tala ti ni bo, hanina biyuvu ebi mvutu:

Bwe tufweti bongelaka Bakristo ba tumbu?

Timinu tiawu tia tuzoloko; kâ, ka tutomo’â ba zangulaka ko. Mbo tusaka keba mu lembo ‘kwe yingi bantu.’ (Yude 16) Ka tubayulaka biyuvu bitariri vuvu tiawu ko.​—w20.01-F, tin. 29.

Nti bikuhana lukwikulu ti Yehova nge kamonaka?

Bibila mbo ditâka ti nge kazaba ntete wabutuka. Mpe mbo kawâka tusambulu twaku. Mbanzulu zaku na mio mie naku ku mutima mia kazebi, mpe nsalulu zaku mbo zimusobesaka. (1 Nta. 28:9; Bin. 27:11) Wakubenda kwe Yandi.​—w20.02-F, tin. 12.

Ntia bifwani bie neto bizonzelaka ntangu yi tufweti zonza na yi tufweti lembo zonza?

Nsayi yibâka neto bu tuzonzelaka Yehova. Mbo tuzonzaka tala ti tumweni muntu wuta diatila mu nzila ya mbi. Bakuluntu mbo bazonzaka mu hana malongi tala ti wufwanakane. Ka tuzonzaka ko mu dinga mu zaba (peleko mu tâ) misamu mitariri tisalu tieto ku nsi zi bayiminaka tio. Ka tutâka misamu mia mansweki ko.​—w20.03, bin. 20-21.

Bwe makonko ma bazonzelaka mu Yoele tikapu 2 me ma swaswana na makonko ma bazonzelaka mu Nzabukusu tikapu 9?

Yoele 2:20-29 yitêle ti Nzambi mbo kanata mala makonko, mpe kanisini ti mbo kafuta mbeba za tulumuna makonko. Ha manima, Nzambi mbo kahombola mpeve’andi. Misamu mio mialungana mu ntangu Bisi-Babilone bakoterela Bisi-Israele na ha manima ma nkotolo yo. Nzabukusu 9:1-11 mbo yizonzelaka makonko, makonko mango ni bisari bia Yehova bia tumbu bia ntangu yi bita samuna mfundusu za Nzambi mu bungu dia nza yi ya mbi, mpe mbo wufwemesaka bantu bakotaka misamu mia nza yi.​—w20.04, bin. 3-6.

Ngano mutinu wa ku nore mu ntangu yi ni nani?

Russie na nsi zi bena tintwari. Nsobolo bata nata kwe kanda dia Nzambi, tisalu tia samuna bata yimina mpe mbo basongelaka diki diawu mu Mbangi za Yehova. Mutinu wa ku nore mbo wuta nwanina timfumu na mutinu wa ku side.​—w20.05, tin. 13.

Ngano “mbutu ya mpeve” mbo yitarilaka kwa bifu bia vwa (9) bi batangumuni mu Bisi-Ngalate 5:22, 23?

Kâni. Mpeve santu mbo yitubakisaka mu bâ na bifu biakaka bia mbote, ntiana buderede. (Efz. 5:8, 9)​—w20.06, tin. 17.

Ngano mosi wa mitambu wa tûlaka misamu mitutariri mu résaux sociaux ni we?

Mio mi tutûlaka mu résaux sociaux milendi hana mabanza kwe bantu ti ka twena ba kuluka ko, kâ lumpampani lwe neto.​—w20.07, bin. 6-7.

Ngano ntia malongi Bakristo basamunaka balendi baka mu tifwani tia bilobi bizebi tisalu?

Bilobi mbo bisalaka mu ntangu na mu mbuka yi balendi bakila mbizi. Bia kubama biena mu sarila bisalulu bia bibote. Mbo bisalaka na butindi bwabwansoni bu bibwabanaka na misamu mi balembo kekoloko. Beto mpe tulendi sila bo mu tisalu tieto tia samuna.​—w20.09, tin. 5.

Mu ntia mpila tulendi bakisila milongoki mieto mia Bibila mu bâ na luzolo lwa ngolo mu Yehova?

Tulendi tindisa milongoki mieto mu tangaka Bibila bilumbu biabiansoni na mu dimbitilaka mu mio mi batangaka. Mpe tulendi ba longesa mu sambilaka.​—w20.11, tin. 4.

Ngano banani bê mu kati dia: ‘Babansoni babaka luzingu mu Kristo’?​—1 Kor. 15:22.

Ntumwa Paulo keri’â zolo tâka ko ti bantu babansoni mbo baketi vumbuka kwe ba fwa. Bakristo ba tumbu keri zonzelaka, bô beri ‘ba tumbu mu Yezu Kristo.’ (1 Kor. 1:2; 15:18)​—w20.12, bin. 5-6.

Ngano Bakristo ba tumbu nti basa bu bamana ‘soba ntiana bu balabulaka, mu zu dia [mpungi] ya mansukina’?​—1 Kor. 15:51-53.

Tintwari na Yezu mbo basala tisalu tia muvungi mu kipa makanda na muti wa tisengo. (Nza. 2:26, 27)​—w20.12, bin. 12-13.