Mu nzila kwa ya mukayulu wa nkûlulu wafuta Yezu na menga mandi tulendi bakila mulemvo wa masumu meto. (Efz. 1:7) Kâ, Bibila ditêle: ‘Nzambi [. . .] ka futisa masumu ma ntama ko,’ wuzololo tâ, ntete Yezu kafuta nkûlulu. (Rom. 3:25) Bwe Yehova kaketi lemvokela masumu ntete bafuta nkûlulu, mpe kaketi tatamana mu bâ Nzambi ya buderede?

Mu mabanza ma Yehova, batifutila nkûlulu mu ntangu yi kabonga nzengolo ya hana ‘butu’ diaketi vûkisa bantu ba kwikilaka. (Mba. 3:15; 22:18) Ntembe kâni Nzambi lukwikulu lweri nandi ti Mwana’andi wa wumosi mbo kaketi futa nkûlulu mu luzolo lwa mutima. (Nga. 4:4; Ebr. 10:​7-10) Yezu bu keri ha mutoto, Yehova wamuhana lenda dia lemvokela masumu ntete bafuta nkûlulu. Yezu Lenda dieri nandi dia lemvokela masumu ma bantu beri na timinu, mu bungu ti wazaba ti mukayulu wu kaketi hana mbo waketi zibika masumu mawu.—Mat. 9:​2-6.