BALA ba Israele mizike mia beri tomo zoloko. Bibila mbo divulu zonzelaka bantu basikaka instruments mpe batangaka mikunga. Misamu miamingi mie mu Bibila mia fuluka miena mu mikunga, mu tifwani buku dia Mikunga, Mukunga wa Salomo na Bidilu batsoneka mio ngatu batangaka mio mu mikunga. Buku dimosi dizonzelaka luzingu mu ntangu ya Bibila ditêle ti Bibila mbo ditomo songelaka ti bala ba Israele mizike beri sarilaka mu bisalu biawu.

Mizike mu luzingu lwa bilumbu biabiansoni. Bala ba Israele mizike beri sikaka mu dukisa mio mieri nawu ku mutima. (Iza. 30:29) Bakento ngoma za fioti beri sikaka peleko tambourins, na nsayi yayansoni beri tangaka mpe beri tininaka mu ntangu yi beri tumbaka mutinu, yi beri nungaka muzingu, na mu ntangu ya malaki ma nsambululu. (Mfu. 11:34; 1 Sam. 18:​6, 7; 1 Mit. 1:​39, 40) Mu ntangu yeri fwaka muntu bala ba Israele mikunga mpe beri tangaka mu songela tiari tiawu. (2 Nta. 35:25) Ntembe kâni, bala ba Israele mizike mia batomo zolo.

Mitinu mia ku Israele mizike mieri zoloko. Mitinu mia ku Isarele nsayi mieri monaka mu wirikila mizike. Mutinu Sawule watikisa Davide ku nzo’andi mu mu sikilaka mizike. (1 Sam. 16:​18, 23) Ha manima Davide bu kayizi bâ mutinu, wayirika instruments za mizike, watsoneka mikunga mia toma, wakubika orkestre yeri sikaka ku tempelo ya Yehova. (2 Nta. 7:6; Amo. 6:5) Mutinu Salomo bitangi bia mikunga bia bakento na bia babakala bieri nandi ku nzo’andi.—Ekl. 2:8.

Mizike mu nsambululu. Musamu wuyôkele mfunu, bala ba Israele mizike beri sarilaka mu sambila Yehova. Babakala 4000 beri sikaka instruments ku tempelo ya Yerusaleme. (1 Nta. 23:5) Bitsatsa beri sikaka peleko cymbales, nsambi beri sikaka peleko instruments à corde, gitare na mpungi (2 Nta. 5:12) Kâ bantu bo bazaba mizike ka babâ bawu kaka ko mu sambila Yehova mu mizike. Bala ba Israele babingi beri tangaka mikunga mu ntangu yi beri kwendaka ku Yerusaleme mu kwe kembela malaki. Mikunga mio mikunga mia nakunu beri mia tâka nkumbu. (Mik. 120-134) Mu mio miatsoneka Bayuda bala ba Isarele batanga Mikunga a mia Halele mu ntangu ya ndia ya pake.

Lumbi ti mizike mfunu mpe miena kwe kanda dia Nzambi. (Zaki 5:13) Bu tusaka nsabululu mikunga tutangaka. (Efz. 5:19) Mizike mbo misaka ti tabâ mu bumosi na mpangi zeto. (Kol. 3:16) Mbo mituyikaka ngolo bu tubwabanaka na mpasi. (Bis. 16:25) Mizike mpila ya mbote yena mu songela timinu tieto kwe Yehova na luzolo lweto mu Yandi.