Mu 2017, ku Nicaragua, Mbangi za Yehova 12 zayenda mu bato tûka ku Mosquitos (Miskito). Bato’awu nkumbu Sturi Yamni beri ya tâka. Mpangi yimosi, Stephen, têle ti: “Nsatu yabâ neto ya tindisa tikunku timosi tia Mbangi za Yehova zibâka mala. Mpe, tadinga mu ba bakisa mu samuna nsangu za mbote mu tizunga tiawu.”

Mbangi za Yehova 12 zango 1/2 zakatuka tûka Laguna de Perlas mpe banaka nzari ya Río Grande de Matagalpa mu kilometre 200. Bawu, ka beri’â na ntembe ko ti nkumbu ya bato’awu yeri zolo tâka “nsangu za mbote” mu zu dia Miskito, mbo yaketi bâ na nsasa ya nzitukulu mu bungu dia bantu babâka mu ndeko nzari. Mbangi zango zatûla kûna ku bawaya, ku hata dia La Cruz de Río Grande, ha manima ma heures 12 za nzietolo, na ntangu yakaka yi beri kwe yôkese mu mahata mu bwa tolo. Bu batûla, bayizi tomo ba bwana kwe Mbangi za Yehova 6 zabâ ku hata diango.

Mpimpa yina, titembo tia ngolo tipupa ku tizunga tiango. Mvula za ngolo zanata niamba mu nzari ya Río Grande de Matagalpa. Ntangu fioti ha manima, nzari yayizi sampa, mpe mamba matatamana mu naka bilumbu biole. Nzo ya Nsambululu na nzo za La Cruz zayizi diama. Mpangi 12 zo zayizi bakisa bisi-hata mu duka mu nzo zawu. Bantu babîngi bayôkesa mpimpa zole zalanda mu nzo ya étage ya mpangi’eto yimosi ya yikento.

Mu mpimpa ya tatu, maire ya La Cruz yayizi tala Mbangi za Yehova zeri mu nzietolo mu ba lomba lubakusu. Bato’awu, Sturi Yamni, ni yo kwa yabâ ya mbote mu kwenda mu niamba ya nzari. Maire yayizi ba lomba tala ti lenda dia bâ nawu dia nata ekipe ya lubakusu ku mahata ma mu ndeko nzari mu bakisa bantu bayizi hombesa nzo. Mbangi za Yehova zayizi bâ na nsayi ya hana lubakusu lwawu.

Mu tilumbu tialanda, mu pari, Mbanzi za Yehova zitatu zayenda na ekipe ya lubakusu. Stephen têle ti: “Muna ntangu mûna, nzari yayizi tomo sampa. Miti mia minene yanata. Bimbongela biabingi biabâ mu mamba, mamba nguria ntinu meri yôkaka, yôka 18 kilomètres-heure.” Ntono misamu mio mia mpasi, bato yalenda mu tûla ku mahata matatu.

Mbangi za Yehova za zitatu zayizi sarila ntangu yi beri ku mahata mo mu hana lutindusu lweri nawu nsatu kwe bisi-hata. Mbangi za Yehova zayizi kaba mikanda mia Réveillez-vous ! yimosi ya 2017. Mutu-diambu’andi wadelakana na misamu mi beri bwabanaka na mio: “Bu tûlaka makuba ma nza—nsalulu zilendi vûkisa luzingu.”

Bisi-hata bayizi tomo tonda mu bungu dia lubakusu lwa tinsuni na lwa timpeve lwa bahana Mbangi za Yehova. Bakaka ha kati diawu bayizi tâ ti: “Bawu, bampwana’awu bawu batomo zolo.” Bu bamana mona ngolo za sarila Mbangi za Yehova mu bakisa mpangi zawu na bantu bakaka, bisi-hata babingi bayizi tambula mu wâ nsangu za lutindusu za Bibila.